વડાપ્રધાન નરેન્દ્ર મોદી હાલમાં તેમના ત્રણ દિવસીય યુરોપ પ્રવાસ પર છે. આ પ્રવાસના બીજા દિવસે તે ડેનમાર્ક પહોંચ્યા હતા. તમને જણાવી દઈએ કે પીએમ મોદીની આ વર્ષની આ પ્રથમ વિદેશ યાત્રા છે. આ મુલાકાતના પહેલા તબક્કામાં PM મોદી સોમવારે બર્લિન પહોંચ્યા હતા. પીએમ મોદીનું બર્લિનમાં ભવ્ય સ્વાગત કરવામાં આવ્યું.
આ દરમિયાન પીએમ મોદીની વધુ એક તસવીર સોશિયલ મીડિયા પર ઝડપથી વાયરલ થઈ રહી છે. આ નરેન્દ્ર મોદીનો ત્રીસ વર્ષ જૂનો ફોટો છે. તે 30 વર્ષ પહેલા જર્મની ગયા હતા. ત્યારે તેઓ પીએમ નહોતા. તે સમયે નરેન્દ્ર મોદી ભાજપના કાર્યકર હતા અને યુએસથી પરત ફરતી વખતે જર્મની પહોંચી ગયા હતા. 30 વર્ષના મોદીની તસવીરમાં તે એકદમ અલગ અંદાજમાં જોવા મળી રહ્યા છે. આ વાયરલ ફોટો વર્ષ 1993નો છે. તે સમયે મોદીજી વાદળી જેકેટ અને સફેદ શર્ટમાં જોવા મળે છે.
પીએમ મોદીની આ મુલાકાતને લઈને ડાયસ્પોરામાં તેમનો ભારે ક્રેઝ જોવા મળ્યો હતો. મોટાભાગના ભારતીયો તેમની સાથે સેલ્ફી લેવા માટે ઉત્સુક હતા. તો જ્યારે તેમણે ડાયસ્પોરાને સંબોધન કર્યું ત્યારે સમગ્ર સભાગૃહ ભારત માતા કી જયના નારાથી ગુંજી ઉઠ્યું હતું. પીએમ મોદીની આ મુલાકાત 4 મે સુધી ચાલશે. છેલ્લે PM મોદી પેરિસમાં ફ્રાન્સના રાષ્ટ્રપતિ ઈમેન્યુઅલ મેક્રોનને પણ મળશે. આ બેઠકમાં મોદી યુક્રેન અંગે ચર્ચા કરી શકે છે.
