અમદાવાદ: ગ્રીનઝો એનર્જી ઈન્ડિયા લિમિટેડ સાણંદ GIDC ખાતે ઈલેક્ટ્રોલાઈઝર મેન્યુફેક્ચરિંગ પ્લાન્ટ સ્થાપવા માટે રૂ. 3,500 કરોડનું રોકાણ કરવા તૈયાર છે. કેન્દ્રીય ગૃહ પ્રધાન અમિત શાહ અને મુખ્ય પ્રધાન ભૂપેન્દ્ર પટેલ મંગળવારે પ્લાન્ટના શિલાન્યાસ સમારોહમાં હાજરી આપે તેવી અપેક્ષા છે.
ગ્રીનઝો એનર્જીના મેનેજિંગ ડિરેક્ટર સંદીપ અગ્રવાલના જણાવ્યા અનુસાર, કંપની ગ્રીન હાઇડ્રોજન સેક્ટરમાં ઉપયોગમાં લેવાતા 1, 2 અને 5MW આલ્કલાઇન ઇલેક્ટ્રોલાઇઝરનું ઉત્પાદન કરશે.
“પ્રથમ તબક્કામાં રૂ. 350 કરોડના પ્રારંભિક રોકાણ સાથે આ રોકાણ પાંચ વર્ષના સમયગાળા દરમિયાન કરવામાં આવશે. દર બે વર્ષે મેન્યુફેક્ચરિંગ ક્ષમતા બમણી કરવાની યોજના સાથે પ્લાન્ટ તેના પ્રથમ તબક્કામાં 125MWની ક્ષમતા ધરાવશે તેવી ધારણા છે.
આખરે ચારથી પાંચ વર્ષમાં 1 GW ક્ષમતા સુધી પહોંચે છે. કંપની સાત મહિનામાં પ્લાન્ટ પૂર્ણ કરવાનું લક્ષ્ય ધરાવે છે અને તેની પાસે રૂ. 1,100 કરોડની ઓર્ડર બુક પહેલેથી જ છે,” એમ અગ્રવાલે જણાવ્યું હતું. ગ્રીનઝો એનર્જીને આ પ્રોજેક્ટ માટે સાણંદ GIDC ખાતે 13,777 ચોરસ મીટર જમીન ફાળવવામાં આવી છે.
તેમણે જણાવ્યું હતું કે ગુજરાત તેના આગવા સ્થાનના લીધેરોકાણનું મહત્વનું કેન્દ્ર છે. ગુજરાતમાંથી દરિયાઈ નિકાસ ઝડપથી કરી શકાય છે. આ ઉપરાંત ગુજરાત સરકારની ઉદ્યોગલક્ષી નીતિના લીધે કોઈપણ ઉદ્યોગકાર રાજ્યમાં ઝડપથી ઉદ્યોગ સ્થાપી શકે છે. તેના લીધે બીજા રાજ્યોના ઉદ્યોગો પણ ગુજરાતમાં રોકામ કરવા આકર્ષાય છે. તેની સાથે ગુજરાતમાં ગામડાથી લઇને શહેર સુધી 24 કલાક વીજળી મળે છે. ગુજરાત પાવર સરપ્લસ સ્ટેટ છે. આવું બીજા રાજ્યોમાં ભાગ્યે જ જોવા મળે છે. બીજા રાજ્યોમાં હજી પણ લોડશેડિંગની સમસ્ય છે. તેના લીધે ગુજરાતમાં રોકાણ કરવામાં આવ્યું છે.
આ પણ વાંચોઃ Israel Hamas War/ એશિયામાં યુદ્ધનો ખતરો, અમેરિકાએ થાડ અને પેટ્રિયક મિસાલ તૈનાત કરશે
આ પણ વાંચોઃ Israel Hamas War/ ઈઝરાયલ-હમાસ યુદ્ધ વચ્ચે Googleની મોટી કાર્યવાહી
આ પણ વાંચોઃ મોટા સમાચાર/ અમદાવાદમાં સેન્ટ્રલ બ્યૂરો ઓફ નાર્કોટિક્સના દરોડા, 194 નશીલી દવાઓના બોક્સ જપ્ત કર્યા