ઉત્તર પ્રદેશમાં કોન્સ્ટેબલ તરીકે તૈનાત પાંચ મહિલા પોલીસકર્મીઓએ લિંગ પરિવર્તન માટે DG ઓફિસને અરજી લખી છે. મહિલા કોન્સ્ટેબલોએ લિંગ પરિવર્તન માટે DG પાસે પરવાનગી માગી છે. જેમાં ગોરખપુરમાં તૈનાત મહિલા કોન્સ્ટેબલનું નામ પણ સામેલ છે. પોલીસ વિભાગમાં આ પ્રકારનો આ પહેલો કિસ્સો નથી. આ પહેલા પણ એક મહિલા કોન્સ્ટેબલે જેન્ડર ડિસફોરિયાને ટાંકીને લિંગ પરિવર્તન માટે કોર્ટમાં અરજી કરી હતી.
વાસ્તવમાં યુપી પોલીસની પાંચ મહિલા કોન્સ્ટેબલ પુરૂષ બનવા માગે છે. પાંચમાંથી એક મહિલા કોન્સ્ટેબલ ગોરખપુરમાં છે, આ સિવાય ગોંડા અને સીતાપુરમાં 4 કોન્સ્ટેબલ પોસ્ટ છે. આ તમામ કોન્સ્ટેબલોએ મળીને DG ઓફિસને પત્ર પાઠવ્યો છે. આ પહેલા એક મહિલા કોન્સ્ટેબલની અરજી પર હાઈકોર્ટે કહ્યું હતું કે આ દરેકનો બંધારણીય અધિકાર છે.
અગાઉ પણ આપેલી અરજી
અહેવાલ છે કે DG ઓફિસે પોલીસ કપ્તાનોને પત્ર જારી કરીને કાઉન્સેલિંગ કરાવવા માટે કહ્યું છે. મહિલા કોન્સ્ટેબલો કેટલાય મહિનાઓથી લિંગ પરિવર્તન માટે દોડી રહી છે. આ પહેલા યુપી પોલીસની મહિલા કોન્સ્ટેબલ નેહા સિંહે હાઈકોર્ટમાં અરજી દાખલ કરી હતી. કોર્ટમાં નેહાને જેન્ડર ડિસફોરિયાથી પીડિત હોવાનું જણાવ્યું હતું. નેહાએ કોર્ટમાં કહ્યું હતું કે તે પોતાની ઓળખ એક પુરુષ તરીકે આપે છે. આ માટે તે સેક્સ રિએસાઈનમેન્ટ સર્જરી કરાવવા માગે છે.
હાઈકોર્ટે મહત્વની ટિપ્પણી કરી
આ પહેલા મહિલા કોન્સ્ટેબલની અરજી પર સુનાવણી કરતા અલ્હાબાદ હાઈકોર્ટે ખૂબ જ મહત્વપૂર્ણ ટિપ્પણી કરી હતી. કોર્ટે કહ્યું હતું કે કેટલીકવાર આ સમસ્યા આધુનિક સમાજમાં ઘાતક બની શકે છે. અલ્હાબાદ હાઈકોર્ટે અરજી પર સુનાવણી કરતા કહ્યું હતું કે લિંગ પરિવર્તન એ બંધારણીય અધિકાર છે. આધુનિક સમાજમાં ઓળખ બદલવાના અધિકારથી વંચિત રહેવું યોગ્ય નથી. આમ કરવાથી અમે માત્ર જેન્ડર આઇડેન્ટિટી ડિસઓર્ડર સિન્ડ્રોમને પ્રોત્સાહન આપીશું. હાઈકોર્ટે ડીજીપીને લેડી કોન્સ્ટેબલની અરજીનો નિકાલ કરવાનો આદેશ આપ્યો હતો. હાઈકોર્ટના આ આદેશથી આ 5 મહિલા કોન્સ્ટેબલની આશા પણ વધી ગઈ છે.
આ પણ વાંચો:સનાતન ધર્મ વિવાદ, વધુ એક નેતાએ ઉદયનિધિ સ્ટાલિનનો બચાવ કર્યો
આ પણ વાંચો:કેસિનો ચેન ડેલ્ટા કોર્પ નીકળી ‘કેસિનો રોયલ’
આ પણ વાંચો:NIAએ ખાલિસ્તાની આતંકી ગુરપતવંત સિંહ પન્નુની સંપત્તિ જપ્ત કરી
આ પણ વાંચો:રાહુલ ગાંધીએ કોલેજ ગર્લ સાથે ‘પિંક સિટી’ની ચક્કર લગાવી: જુઓ વીડિયો
