અત્યાર સુધીમાં 66 ભારતીય મૂળના લડવૈયાઓ આતંકવાદી સંગઠન ઈસ્લામિક સ્ટેટ (ISIS)માં હોવાના અહેવાલ છે. આ દાવો અમેરિકાના વિદેશ વિભાગ દ્વારા આતંકવાદ પર જાહેર કરવામાં આવેલા નવા રિપોર્ટમાં કરવામાં આવ્યો છે. યુએસ સ્ટેટ સેક્રેટરી એન્ટની બ્લિંકને ગુરુવારે આતંકવાદ પર કન્ટ્રીઝ રિપોર્ટ 2020 જાહેર કર્યો. રિપોર્ટમાં NIA ઉપરાંત ભારતની આતંકવાદ વિરોધી એજન્સીઓની સક્રિયતાની પણ પ્રશંસા કરવામાં આવી છે. તેમાં કહેવામાં આવ્યું છે કે આ એજન્સીઓએ આંતરરાષ્ટ્રીય અને પ્રાદેશિક આતંકવાદી દળોને શોધવા અને તેને રોકવામાં વધુ સારું કામ કર્યું છે. રિપોર્ટમાં કહેવામાં આવ્યું છે કે NIAએ સપ્ટેમ્બર મહિનામાં ઈસ્લામિક સ્ટેટ સાથે સંબંધિત 34 કેસની તપાસ કરી અને કેરળ અને પશ્ચિમ બંગાળના 10 અલ-કાયદા સભ્યો સહિત 160 લોકોની ધરપકડ કરી.
એરપોર્ટ પર ડ્યુઅલ સ્ક્રીન એક્સ-રે પર યુએસ સાથે જોડાણ
બ્લિંકને કહ્યું કે ભારત સંયુક્ત રાષ્ટ્ર (યુએન) સુરક્ષા પરિષદના ઠરાવ UNSCR 2309 અને એરપોર્ટ પર સામાનની ફરજિયાત ‘ડ્યુઅલ સ્ક્રીન એક્સ-રે’ પરીક્ષાનું પાલન કરવા માટે યુએસ સાથે સહયોગ કરી રહ્યું છે. અમેરિકા દ્વારા જાહેર કરવામાં આવેલા રિપોર્ટમાં દાવો કરવામાં આવ્યો છે કે નવેમ્બર સુધી ઈસ્લામિક સ્ટેટ સાથે ભારતીય મૂળના 66 લડવૈયાઓ સામેલ હોવાની માહિતી મળી છે. રિપોર્ટ અનુસાર, વર્ષ 2020માં કોઈ ફોરેન ટેરરિઝમ ફાઈટર (FTF) ભારત પરત ફર્યું નથી. ભારત-યુએસ સહયોગની વિગતો આપતા અહેવાલમાં જણાવાયું છે કે અમેરિકા ભારત સરકાર સાથે વ્યૂહાત્મક ભાગીદારી વધારવાનું ચાલુ રાખશે, જેમાં દ્વિપક્ષીય સંબંધો જેમ કે આતંકવાદ વિરોધી 17મી સંયુક્ત ટાસ્ક ફોર્સ, ત્રીજી ‘ટુ પ્લસ ટુ’ મંત્રી સ્તરીય વાટાઘાટોનો સમાવેશ થાય છે.
પાકિસ્તાનની ધરતી પરથી આતંકવાદીઓ ભારતને નિશાન બનાવી રહ્યા છે
રિપોર્ટમાં કહેવામાં આવ્યું છે કે ભારતને નિશાન બનાવી રહેલા આતંકવાદી જૂથો પાકિસ્તાનની ધરતી પરથી તેમની ગતિવિધિઓ ચાલુ રાખે છે. પાકિસ્તાને જૈશ-એ-મોહમ્મદના સ્થાપક અને યુએન નિયુક્ત આતંકવાદી મસૂદ અઝહર અને 2008ના મુંબઈ હુમલાના પ્રોજેક્ટ મેનેજર સાજિદ મીર સહિત અન્ય આતંકવાદીઓ સામે પણ કાર્યવાહી કરી નથી.
Covid-19 cases / શાળામાં વકરતો કોરોના, આ જિલ્લામાં ત્રણ વિધાર્થી સહિત એક શિક્ષક થાય કોરોના સંક્રમિત
National / ગ્રુપ કેપ્ટન વરુણ સિંહને પત્નીનું આખરી સલામ કહ્યું,-
Life Management / શિષ્ય સારી મૂર્તિઓ બનાવતો હતો, છતાં ગુરુ તેને ટોકતાં હતા, એક દિવસ શિષ્યને ગુસ્સો આવ્યો અને..
ધર્મ / સૂર્યે રાશિ બદલી છે, હવામાન બદલાશે, મોંઘવારી ઘટી શકે છે, સ્વાસ્થ્ય સમસ્યાઓનો અંત આવશે
ધર્મ / POKમાં શરૂ થયું શારદા દેવી મંદિરનું નિર્માણ, આ ધાર્મિક સ્થળનો ઈતિહાસ 5 હજાર વર્ષ જૂનો છે
