શેરબજારમાં આજે સેન્સેક્સ અને નિફ્ટીમાં નજીવા વધારા શરૂઆત થઈ. ઓટો શેર્સમાં ઉછાળાને કારણે સેન્સેક્સ-નિફ્ટીમાં થોડો વધારો જોવા મળી રહ્યો છે અને મહિન્દ્રા એન્ડ મહિન્દ્રાના શેર તેમાં આગળ છે. બેન્ક નિફ્ટીમાં ઘટાડો જોવા મળી રહ્યો છે અને એફએમસીજી શેર પણ નીચી રેન્જમાં ટ્રેડ થઈ રહ્યા છે. બજાર તેજી સાથે ખુલ્યું હતું પરંતુ શરૂઆતના તરત જ શોર્ટ કવરિંગને કારણે સેન્સેક્સ-નિફ્ટી ઘટાડાનાં લાલ નિશાનમાં સરકી ગયા હતા.
બજાર ખૂલ્યાની 25 મિનિટ પછી BSE સેન્સેક્સમાં ઘટાડો જોવા મળી રહ્યો છે અને તે 73,468 પર આવી ગયો છે એટલે કે તે 73500ની નીચે સરકી ગયો છે. NSEનો નિફ્ટી પણ ઘટીને 22,363 પર આવી ગયો છે. BSE સેન્સેક્સમાં ટ્રેડિંગ 47.59 પોઈન્ટના મામૂલી વધારા સાથે 73,711 ના સ્તર પર ખુલ્યું હતું. NSE નિફ્ટી 11.40 પોઈન્ટના વધારા સાથે 22,415 ના સ્તર પર ખુલ્યો છે.
સેન્સેક્સ અને નિફ્ટીની સ્થિતિ
BSE સેન્સેક્સના 30 માંથી 20 શેરોમાં ઘટાડો જોવા મળી રહ્યો છે અને માત્ર 10 શેરો ઉછાળા સાથે ટ્રેડ થઈ રહ્યા છે. M&M 6.50 ટકા અને ટાટા મોટર્સ 1.21 ટકાના વધારા સાથે તેજીનો ધ્વજ લહેરાવી રહી છે. આ સિવાય એસબીઆઈ, અલ્ટ્રાટેક સિમેન્ટ, એનટીપીસી, ટાટા સ્ટીલના શેરમાં ઉછાળો જોવા મળી રહ્યો છે. NSE નિફ્ટીના 50 શેરોમાંથી 21 શેર લાભ સાથે ટ્રેડ થઈ રહ્યા છે જ્યારે 29 શેર ઘટાડા સાથે ટ્રેડ થઈ રહ્યા છે. અહીં પણ M&M ટોપ ગેઇનર છે અને 6 ટકા ઉપર છે. ગ્રાસિમ, SBI, અલ્ટ્રાટેક સિમેન્ટ અને ટાટા મોટર્સના શેર મજબૂત છે અને ટોચના 5 શેરોમાં સામેલ છે. ઘટતા નિફ્ટી શેરોમાં L&T, નેસ્લે, બ્રિટાનિયા, અદાણી પોર્ટ્સ અને આઇશર મોટર્સ ટોપ લૂઝર તરીકે જોવામાં આવે છે.
BSE માર્કેટ
BSEની માર્કેટ મૂડી 408.02 લાખ કરોડ રૂપિયા થઈ ગઈ છે. BSE પર 3556 શેરનો વેપાર થઈ રહ્યો છે, જેમાંથી 2187 શેરમાં વધારો જોવા મળી રહ્યો છે જ્યારે 1195 શેરમાં ઘટાડો જોવા મળી રહ્યો છે. 174 શેર કોઈપણ ફેરફાર વગર ટ્રેડ થઈ રહ્યા છે. અહીં 212 શેર પર અપર સર્કિટ અને 125 શેર પર લોઅર સર્કિટ લાદવામાં આવી છે.
આ પણ વાંચો:સ્વાતિ માલિવાલનું મેડિકલ ચેકઅપ કરાયું, ભાજપે કેજરીવાલનું રાજીનામું માંગ્યું
આ પણ વાંચો:ચાર ધામ યાત્રાને લઈ મહત્વના સમાચાર, VIP દર્શન પર પ્રતિબંધ લંબાવાયો
આ પણ વાંચો: ભારતના સ્ટાર ફૂટબોલર કેપ્ટન સુનીલ છેત્રીએ કરી નિવૃત્તિની જાહેરાત, આંતરરાષ્ટ્રીય ફૂટબોલને કરશે અલવિદા