UGC New Law 2026 Controversy Savarna Samaj Protest: યુનિવર્સિટી ગ્રાન્ટ્સ કમિશન (UGC) દ્વારા ઉચ્ચ શિક્ષણ સંસ્થાઓ માટે લાવવામાં આવેલો નવો કાયદો અત્યારે દેશભરમાં વિવાદનું કેન્દ્ર બન્યો છે. સરકાર આ કાયદાને સમાનતા લાવવાનું પગલું ગણાવી રહી છે, જ્યારે ઉત્તર પ્રદેશ, મધ્ય પ્રદેશ, બિહાર અને રાજસ્થાનમાં સવર્ણ સમાજના લોકો રસ્તા પર ઉતરીને આનો સખત વિરોધ કરી રહ્યા છે.

શું છે આ નવો UGC કાયદો?

ઉચ્ચ શિક્ષણ સંસ્થાઓમાં જ્ઞાતિ આધારિત ભેદભાવ રોકવા માટે UGC ‘ઉચ્ચ શિક્ષણ સંસ્થાઓમાં સમાનતાને પ્રોત્સાહન આપવાનો નિયમ, 2026’ લઈને આવ્યું છે. આ નિયમ 15 જાન્યુઆરી, 2026 થી દેશની તમામ યુનિવર્સિટીઓ અને કોલેજોમાં લાગુ થઈ ગયો છે. આ નવા રેગ્યુલેશનની સૌથી મહત્વની વાત એ છે કે હવે SC અને ST ની સાથે OBC ને પણ જ્ઞાતિગત ભેદભાવની વ્યાખ્યામાં સામેલ કરવામાં આવ્યા છે.

સવર્ણ સમાજને શું છે વાંધો?

અગ્રીમ જાતિના સંગઠનો આ કાયદાને પક્ષપાતી ગણાવી રહ્યા છે. તેમને મુખ્યત્વે ડર છે કે સવર્ણ વિદ્યાર્થીઓ અને શિક્ષકોને આ નિયમનો દુરુપયોગ કરીને ખોટા કેસમાં ફસાવવામાં આવી શકે છે. ખાસ કરીને અંતિમ નિયમોમાંથી ખોટી ફરિયાદ કરનાર સામે દંડ કે સસ્પેન્શનની જોગવાઈ હટાવી લેવાતા અને જનરલ કેટેગરીના પ્રતિનિધિત્વ વિનાની સમિતિઓ એકતરફી તપાસ કરશે તેવી આશંકા સેવાતા વિરોધ જોવા મળી રહ્યો છે. આ ઉપરાંત, કાયદામાં દુર્ભાવનાપૂર્ણ અને ખોટી ફરિયાદો રોકવા માટે કોઈ મજબૂત ઉપાય ન હોવાનું પણ જણાવાયું છે.

કયા સંગઠનો કરી રહ્યા છે વિરોધ?

આ કાયદા સામે બ્રાહ્મણ સંગઠન, કાયસ્થ મહાસભા, વૈશ્ય સંગઠન અને કરણી સેનાએ મોરચો માંડ્યો છે. રાજસ્થાનમાં આ ચારેય સંગઠનોએ મળીને ‘સવર્ણ સમાજ સમન્વય સમિતિ (S-4)’ ની રચના કરી છે. બીજી તરફ, ઉત્તર પ્રદેશના વિશ્વ હિન્દુ સંગઠને આને હિન્દુ સમાજને વહેંચવાનું ષડયંત્ર ગણાવ્યું છે. આ સંગઠનો હવે ભાજપના જનરલ કેટેગરીના નેતાઓની ચૂપકીદી સામે પણ સવાલ ઉઠાવી રહ્યા છે.

આ પણ વાંચો:સુપ્રીમ કોર્ટમાં કેસની સુનાવણી શરૂ, કપિલ સિબ્બલે કહ્યું- મામલો સમગ્ર વકફ મિલકતોના કબજાનો છે…

આ પણ વાંચો:વકફ એક્ટ પર રોક ન લગાવો અને… તુષાર મહેતાએ મજબૂત દલીલ આપી, CJI એ કહ્યું- ઠીક છે, ખબર છે શું થયું?

આ પણ વાંચો:સુપ્રીમ કોર્ટમાં આજે વકફ એક્ટ પર મહત્વપૂર્ણ સુનાવણી, કાયદાને રદ કરવાની માંગ કરતી અરજી દાખલ