Denmark Azaan Ban Proposal: યુરોપિયન દેશ ડેનમાર્કમાં ઇસ્લામિક ધાર્મિક પ્રાર્થના ‘અઝાન’ પર દેશવ્યાપી પ્રતિબંધ લગાવવાની યોજના પર ફરી એકવાર કામ શરૂ કરવામાં આવ્યું છે. ડેનમાર્કમાં વધી રહેલી ઇસ્લામાઇઝેશનની ચિંતાઓ અને કડક ઇમિગ્રેશન પોલિસી વચ્ચે આ પ્રસ્તાવ રજૂ કરવામાં આવ્યો છે. ડેનમાર્કના (Denmark) કડક વલણ ધરાવતા ઇમિગ્રેશન મંત્રી મોર્ટેન બોડસ્કોવે આ યોજનાની જાહેરાત કરતા અત્યંત આકરા શબ્દોનો ઉપયોગ કર્યો છે. તેમણે કહ્યું કે, “અઝાનનો અવાજ ડેનમાર્કના ધાબા પરથી સંભળાવો ન જોઈએ. ડેનમાર્કમાં તેનું કોઈ સ્થાન નથી, અને જ્યારે તમે ડેનમાર્કમાં ચાલતા હોવ ત્યારે તમને કોઈ શંકા ન હોવી જોઈએ કે તમે ઇસ્લામાબાદના કોઈ સબર્બમાં આવી ગયા છો.”
મંત્રીના આકરા તેવર અને Denmark ની કડક નીતિઓ
સોશિયલ ડેમોક્રેટ્સ પાર્ટીના નેતા બોડસ્કોવે સ્પષ્ટ કર્યું છે કે ડેનમાર્કમાં વધતું ઇસ્લામાઇઝેશન સાર્વજનિક સ્થળો પર વધુ પડતી જગ્યા રોકી રહ્યું છે. વડાપ્રધાન મેટ્ટે ફ્રેડરિકસનની આગેવાની હેઠળ ડેનમાર્ક હાલમાં યુરોપની સૌથી કડક ઇમિગ્રેશન પોલિસી અમલમાં મૂકી રહ્યું છે. અગાઉ, ડેનમાર્કે સાર્વજનિક સ્થળોએ બુરખા અને ફેસ-વેઇલ પર પ્રતિબંધ મૂક્યો છે, તેમજ તમામ શૈક્ષણિક સંસ્થાઓમાંથી નમાઝ પઢવા માટેના પ્રાર્થના રૂમ હટાવવાનો આદેશ પણ આપી દીધો છે.
અગાઉના પ્રયાસો અને કાનૂની અવરોધો
ડેનમાર્કમાં(Denmark) અઝાન પર પ્રતિબંધનો આ પ્રયાસ પહેલીવાર નથી. વર્ષ 2020 અને 2025 માં પણ આવા કાયદા લાવવાનો પ્રયત્ન થયો હતો, પરંતુ તે સંસદ સુધી પહોંચી શક્યા ન હતા. હાલમાં પણ કોપનહેગન જેવા મોટા શહેરોમાં કડક નોઇઝ રેગ્યુલેશનને કારણે મસ્જિદો લાઉડસ્પીકર પર અઝાન પઢી શકતી નથી. જોકે, દેશવ્યાપી સ્તરે સંપૂર્ણ પ્રતિબંધ મૂકવો કાનૂની રીતે પડકારજનક છે, કારણ કે ડેનમાર્કનું બંધારણ નાગરિકોને ધાર્મિક સ્વતંત્રતા અને જાહેર પૂજાનો અધિકાર આપે છે. સરકાર હવે એ તપાસ કરી રહી છે કે બંધારણીય સુરક્ષાને નુકસાન પહોંચાડ્યા વિના આ પ્રતિબંધ કેવી રીતે લાગુ કરી શકાય.
વિરોધ અને બંધારણીય ચિંતા
એક તરફ સરકાર પોતાની નીતિને યોગ્ય ઠેરવી રહી છે, તો બીજી તરફ ટીકાકારોનું કહેવું છે કે આ પ્રસ્તાવ માત્ર એક જ ધર્મને નિશાન બનાવે છે અને તે ધાર્મિક સ્વતંત્રતાનું ખુલ્લું ઉલ્લંઘન છે. ડેનમાર્કની(Denmark) કુલ વસ્તીમાં મુસ્લિમો લગભગ 5 ટકા છે, જે ત્યાંની સૌથી મોટી લઘુમતી કોમ્યુનિટી છે. આ મુદ્દો આગામી દિવસોમાં ડેનમાર્કની સંસદમાં મોટા રાજકીય વિવાદનું કેન્દ્ર બનવાની શક્યતા છે.
