Ahmedabad News: મુંબઈ-અમદાવાદ બુલેટ ટ્રેન પ્રોજેક્ટ અંતર્ગત સુરતથી બિલીમોરા વચ્ચેનો 50 કિલોમીટર લાંબો રેલવે (Surat Bilimora Bullet Train) સંપૂર્ણપણે તૈયાર થઈ ગયો છે. આ સેક્શનમાં અપ અને ડાઉન બંને લાઇનનું કામ પૂર્ણ કરવામાં આવ્યું છે. હવે આગામી 20 નવેમ્બરથી ટ્રેક પર ટ્રાયલ રન (Trial Run) શરૂ કરવાની તૈયારી હાથ ધરવામાં આવી રહી છે. આ માટે ઓવરહેડ ઇલેક્ટ્રિકલ સિસ્ટમને ટ્રેક સાથે જોડીને વીજળી શરૂ કરવાની કામગીરી કરવામાં આવશે.
Surat Bilimora Bullet Train: 20 નવેમ્બરથી ટ્રાયલ રન શરૂ કરવાની તૈયારી
સુરતથી બિલીમોરા વચ્ચેના 50 કિમીના રૂટ પર બંને લાઇન અને ઓવરહેડ ટ્રેક્શન વ્યવસ્થા તૈયાર થઈ ગઈ છે. હવે ઓવરહેડ ઇલેક્ટ્રિકલ સિસ્ટમને જોડીને તેમાં વીજ પ્રવાહ શરૂ કરવાનો તબક્કો બાકી છે. વીજળી શરૂ થયા બાદ નિર્ધારિત કાર્યક્રમ મુજબ 20 નવેમ્બરથી ટ્રાયલ રન હાથ ધરવાની તૈયારી છે. આ ટ્રાયલ દરમિયાન ટ્રેક અને સંબંધિત સિસ્ટમની સજ્જતા ચકાસવામાં આવશે.
જાપાનની અદ્યતન ટેક્નોલોજીનો ઉપયોગ
આ પ્રોજેક્ટમાં જાપાનની અદ્યતન ટેક્નોલોજીનો ભારતમાં પ્રથમ વખત ઉપયોગ કરવામાં આવી રહ્યો છે. હાઇસ્પીડ ટ્રેનના (High Speed Rail Gujarat) સંચાલન માટે ખાસ ઓવરહેડ ટ્રેક્શન સિસ્ટમ તૈયાર કરવામાં આવી છે. આ ટેક્નોલોજી ટ્રેન વધુ ઝડપે દોડતી વખતે પણ ટ્રેક અને વિદ્યુત લાઇન વચ્ચેનું સંતુલન જાળવવામાં મદદરૂપ થાય છે. આ વ્યવસ્થા દ્વારા બુલેટ ટ્રેનને 320 કિલોમીટર પ્રતિ કલાકની ઝડપે દોડાવવા માટેની તૈયારી કરવામાં આવી છે.
વીજળી માટે 14 સબસ્ટેશન અને 22 હજાર સ્ટીલના થાંભલા
બુલેટ ટ્રેનને સતત વીજ પુરવઠો મળી રહે તે માટે સમગ્ર કોરિડોરમાં 14 સબસ્ટેશનનું નેટવર્ક સ્થાપિત કરવામાં આવ્યું છે. રેલવે ટ્રેક સુધી વીજળી પહોંચાડવા માટે રૂટ પર 22 હજાર સ્ટીલના થાંભલા ઊભા કરવામાં આવ્યા છે.
સુરતથી બિલીમોરા વચ્ચેનો 50 કિમીનો રૂટ તૈયાર થયા બાદ હવે ટ્રાયલ રનનો તબક્કો મહત્ત્વપૂર્ણ સાબિત થશે. ઓવરહેડ ઇલેક્ટ્રિકલ સિસ્ટમમાં વીજળી શરૂ થયા પછી ટ્રેકની કામગીરી અને હાઇસ્પીડ ટ્રેન માટેની વ્યવસ્થાની ચકાસણી કરવામાં આવશે.
આ પણ વાંચો: ભારતની પહેલી બુલેટ ટ્રેનની પહેલી ઝલક! અશ્વિની વૈષ્ણવે બતાવી તસવીર
આ પણ વાંચો: યુપીમાં પહેલી બુલેટ ટ્રેન, દિલ્હીથી કાશીનું અંતર માત્ર 3.5 કલાકમાં
