વિશ્વમાં ફેલાયેલા કોરોના વાયરસના વિવિધ સ્ટ્રેન સામે લડવા માટે ટૂંક સમયમાં જ એક રસી ઉપલબ્ધ કરવામાં આવશે. બ્રિટિશ વૈજ્ઞાનિકોને આશા છે કે આવતા વર્ષે શરૂઆતમાં એક રસી તૈયાર કરવામાં આવશે જે કોરોના વાઇરસના દરેક સ્ટ્રેન સામે લાદવામાં કારગર સાબિત થશે.

એમઆરએનએ ટેક્નોલોજી પર વિકસિત આ રસીનું નિર્માણ યુકેમાં બીજા ક્રમના સૌથી મોટા ફાર્માસ્યુટિકલ ઉત્પાદક ગ્લેક્સો સ્મિથક્લાઇન અને જર્મનીમાં ક્યુર-વેક કરશે. બ્રિટીશ વૈજ્ઞાનિકો માને છે કે સમય જતાં, કોરોના વાયરસ નવા સ્વરૂપમાં દેખાઈ શકે છે. આવી સ્થિતિમાં, આપણે આવનારા સમયમાં સાવધ રહેવું જોઈએ. તેથી, એક રસી વિકસાવવી મહત્વપૂર્ણ છે જે આ જીવલેણ વાયરસના દરેક સ્ટ્રેન સામે લડવામાં સક્ષમ છે. ગ્લેક્સોના ચીફ એક્ઝિક્યુટિવ ઓફિસર એમ્મા વામ્સલીના જણાવ્યા મુજબ, આ કવાયતનો હેતુ એવા લોકોને રસી પૂરી પાડવાનો છે કે જેમણે હજી સુધી રસી નથી લીધી અને જેઓ રસીના બીજા ડોઝની રાહ જોઈ રહ્યા છે.

એમઆરએનએ તકનીક રસીની મદદથી માનવ કોષોને આનુવંશિક સૂચનાઓ પૂરી પાડે છે, જેથી તે વાયરસ સામે લડવા માટે પ્રોટીન વિકસાવી શકે. આ તકનીક દ્વારા બનાવવામાં આવેલી રસી શરીરના કોષોમાં પ્રોટીન ઉત્પન્ન કરે છે જે વાયરસના પ્રોટીનની નકલ કરી શકે છે. જ્યારે ચેપ થાય છે ત્યારે તે રોગપ્રતિકારક શક્તિને સક્રિય કરે છે અને વાયરસનો નાશ કરવામાં મદદ કરે છે. રોગચાળા સામે લડવામાં તે અત્યંત મદદગાર અને સલામત છે.

ક્યોર વેક  ત્રણ કરોડ ડોઝ આપશે

જર્મન કંપની ક્યોર વેક આ કરાર સિવાય આ વર્ષના અંત સુધીમાં સીવી-કોવ રસીના 30 મિલિયન ડોઝ આપશે. આ રસીની વિશેષતા એ છે કે તેને રેફ્રિજરેટરના સામાન્ય તાપમાને રાખી શકાય છે. તેના પરીક્ષણો પૂર્ણ થઈ ગયા છે અને આવતા મહિનાના માર્ચમાં પરિણામ જાહેર થવાની સંભાવના છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…