દિલ્હી હાઈકોર્ટે કોંગ્રેસ સામે ચાર વર્ષ સુધી પુન આકારણીની કાર્યવાહી શરૂ કરવાના આવકવેરા વિભાગના આદેશને પડકારતી કોંગ્રેસ પક્ષની અરજીને ફગાવી દીધી હતી. તાજેતરમાં, કોર્ટે 2014 અને 2017 વચ્ચેના ટેક્સના પુનર્મૂલ્યાંકન સામે કોંગ્રેસની અરજીને ફગાવી દીધી હતી.
દિલ્હી હાઈકોર્ટે અલગ-અલગ મૂલ્યાંકન વર્ષ સંબંધિત ચાર અરજીઓને ફગાવી દીધી હતી. આ અરજીઓ 2017-18, 2018-19, 2019-20 અને 2020-21ના મૂલ્યાંકન વર્ષ સાથે સંબંધિત હતી.
અગાઉ 22 માર્ચે, કોર્ટે 2014-15, 2015-16 અને 2016-17ના મૂલ્યાંકન વર્ષ માટે આવકવેરા વિભાગ દ્વારા શરૂ કરવામાં આવેલી પુન: આકારણીની કાર્યવાહીને પડકારતી કોંગ્રેસ દ્વારા દાખલ કરવામાં આવેલી અરજીઓને ફગાવી દીધી હતી.
દિલ્હી હાઈકોર્ટે ઈન્કમ ટેક્સ એપેલેટ ટ્રિબ્યુનલ (ITAT)ના નિર્ણયને માન્ય રાખ્યો છે જે કોંગ્રેસ પાસેથી આશરે રૂ. 105 કરોડનો બાકી ટેક્સ વસૂલવા માટે જારી કરવામાં આવેલી આવકવેરા નોટિસ પર સ્ટે આપવાનો ઇનકાર કરે છે.
જો કે, કોર્ટે કોંગ્રેસ પક્ષને તેની ફરિયાદો સાથે નવેસરથી ITATનો સંપર્ક કરવાની સ્વતંત્રતા આપી છે. દેશની સૌથી જૂની પાર્ટીએ તાજેતરમાં આવકવેરા વસૂલાત સામે ITATનો સંપર્ક કર્યો હતો અને આવકવેરા વિભાગની વસૂલાત અને તેમના બેંક ખાતાઓ ફ્રીઝ કરવાની કાર્યવાહી પર સ્ટે માંગ્યો હતો.
કોંગ્રેસે તેની ફરિયાદમાં કહ્યું છે કે આવકવેરા વિભાગે સુનાવણીના પરિણામની રાહ જોયા વિના બેંકો પાસે પડેલી બેલેન્સ ફ્રીઝ કરી દીધી છે. પાર્ટીએ અપીલ કરી હતી કે જ્યાં સુધી સ્ટે અરજીનો નિકાલ ન થાય ત્યાં સુધી વિભાગે તેની કાર્યવાહી અટકાવવી જોઈએ.
દરમિયાન, કોંગ્રેસે કેન્દ્ર સરકાર પર આરોપ લગાવ્યો છે કે તે લોકસભા ચૂંટણી પહેલા પાર્ટીને આર્થિક રીતે ‘પંગુ’ કરવાનો પ્રયાસ કરી રહી છે. કોંગ્રેસ પાર્ટીની તાજેતરની પ્રેસ કોન્ફરન્સમાં રાજ્યસભા સાંસદ સોનિયા ગાંધીએ કહ્યું કે પાર્ટીના બેંક ખાતામાંથી બળજબરીથી પૈસા લેવામાં આવી રહ્યા છે.
આ મુદ્દો માત્ર કોંગ્રેસને જ અસર કરતું નથી, તે આપણા લોકતંત્રને પણ મૂળભૂત રીતે અસર કરે છે. ભારતીય રાષ્ટ્રીય કોંગ્રેસને આર્થિક રીતે પંગુ બનાવવા માટે વડાપ્રધાન દ્વારા વ્યવસ્થિત પ્રયાસ ચાલી રહ્યો છે. જનતા પાસેથી વસૂલવામાં આવેલા નાણા ફ્રીઝ કરવામાં આવી રહ્યા છે અને અમારા ખાતામાંથી બળજબરીથી પૈસા ઉપાડવામાં આવી રહ્યા છે.
આ પણ વાંચો:યૂક્રેનના વિદેશમંત્રી આજથી બે દિવસ ભારતની સત્તાવાર યાત્રા પર, શા માટે મુલાકાત મહત્વની છે…
આ પણ વાંચો:ગૌણ સેવા પસંદગી મંડળ દ્વારા લેવાતી પરીક્ષાને લઈ મહત્વનું અપડેટ
આ પણ વાંચો:ગુજરાતમાં આગ ઝરતી ગરમીની શરૂઆત, ગરમીનો પારો 40 ડિગ્રીને પાર
