રોકાણના નામે ઠગાઈના કૌભાંડનો પર્દાફાશ

Ahmedabad News : રોકાણના નામે છેતરપિંડી કરતી ટોળકીને ઝડપી લઈને ક્રાઈમ બ્રાંચે આ કૌભાંડનો પર્દાફાશ કર્યો છે. પોલીસે બે શખ્સોની ધરકડ કરીને વધુ તપાસ હાથ ધરી છે.

આ કેસની વિગત મુજબ આરોપીઓએ લોકોને 4 ટકા નફાની લાલચ આપીને રોકાણ કરવા માટે લલચાવ્યા હતા. બાદમાં તેમની પાસે મોટી રકમનું રોકાણ કરાવ્યું હતું.

દરમિયાન લોકો પાસે અંદાજે 78 લાખ રૂપિયાનું રોકાણ કરાવીને કંપની બંધ કરી દીધી હતી. નવરંગપુરામાં આ અંગે એક કરોડ રૂપિયાની છેતરપિંડીની ફરિયાદ નોધાવવામાં આવી હતી. આ અંગે ક્રાઈમ બ્રાંચે તપાસ હાથ ધરીને બે આરોપીની ધરપકડ કરી હતી.પોલીસની પ્રાથમિક તપાસમાં આશરે 19 લોકો પાસે રોકાણ કરાવીને તેમની સાથે છેતરપિંડી કરી હોવાનું બહાર આવ્યું છે.

આ પ્રકારે આરોપીઓએ અન્ય લોક સાથે પણ છેતરપિંડી કરી હોવાની શંકાને આધારે પોલીસ વધુ તપાસ કરી રહી છે.