ભારત-પાકિસ્તાન યુદ્ધવિરામ પર વિશ્વભરનાં દેશોએ શું કહ્યું? બાંગ્લાદેશે શું પ્રતિક્રિયા આપી

World: શનિવારે ભારત અને પાકિસ્તાન વચ્ચે ડાયરેક્ટર જનરલ ઓફ મિલિટરી ઓપરેશન્સ (DGMOs) ના સ્તરે વાતચીત બાદ યુદ્ધવિરામ પર સંમતિ સધાઈ હતી, જેના હેઠળ બંને પક્ષો તમામ પ્રકારની લશ્કરી કાર્યવાહી બંધ કરવા સંમત થયા છે. આ મહત્વપૂર્ણ કરારની શરૂઆત અમેરિકી રાષ્ટ્રપતિ ડોનાલ્ડ ટ્રમ્પ દ્વારા કરવામાં આવી હતી, જેમણે સૌપ્રથમ દાવો કર્યો હતો કે બંને દેશો યુદ્ધવિરામ (Ceasefire) પર સંમત થયા છે. બ્રિટન, જર્મની, સાઉદી અરેબિયા અને યુરોપિયન યુનિયન સહિત ઘણા દેશોએ તેનું સ્વાગત કર્યું છે. તો ચાલો જાણીએ કે ભારત અને પાકિસ્તાન વચ્ચેના કરાર વિશે વિશ્વભરના દેશોએ શું કહ્યું છે.

બાંગ્લાદેશ

બાંગ્લાદેશે કહ્યું કે, ભારત અને પાકિસ્તાને સીઝફાયર કરવાના નિર્ણયને અમે વધાવીએ છીએ. ભારત અને પાકિસ્તાનના વડાપ્રધાનને યુદ્ધવિરામ પર સંમત થવા અને વાટાઘાટો કરવા બદલ આભાર માનું છું. ઉપરાંત અમેરિકાને મધ્યસ્થી કરવા બદલ રાષ્ટ્રપતિ ડોનાલ્ટ ટ્રમ્પ અને વિદેશમંત્રી માર્કો રૂબિયોની પ્રશંસા કરૂ છુંં.

I most sincerely commend Prime Minister Shri Narendra Modi of India and Prime Minister Shehbaz Sharif of Pakistan for agreeing to a ceasefire with immediate effect and to engage in talks. I would also like to express my deep appreciation to President Trump and Secretary of State…

— Chief Adviser of the Government of Bangladesh (@ChiefAdviserGoB) May 10, 2025

જર્મની

જર્મનીએ કહ્યું કે તાજેતરના સમયમાં ભારત અને પાકિસ્તાન વચ્ચે તણાવ ચરમસીમાએ પહોંચી ગયો છે. હવે જ્યારે બંને દેશો યુદ્ધવિરામ માટે સંમત થયા છે, તો તે તણાવ ઘટાડવામાં અત્યંત મદદરૂપ સાબિત થશે. આ એક મહત્વપૂર્ણ પગલું છે.

The ceasefire agreed between #India and #Pakistan is a first, important step out of the escalation spiral. Dialogue is key. The German government has been in contact with both sides in the past days.

— GermanForeignOffice (@GermanyDiplo) May 10, 2025

યુરોપિયન યુનિયન

યુરોપિયન યુનિયનના વિદેશ બાબતો અને સુરક્ષા નીતિના ઉચ્ચ પ્રતિનિધિ કાજા કલ્લાસે જણાવ્યું હતું કે ભારત અને પાકિસ્તાને તણાવ ઘટાડવાની દિશામાં ખૂબ જ મહત્વપૂર્ણ પગલું ભર્યું છે. આ પગલાનું સન્માન કરવું જોઈએ.

Just spoke again with @DrSJaishankar and @MIshaqDar50.

The announced ceasefire between India and Pakistan is a vital step toward de-escalation. All efforts must be made to ensure it is respected.

The EU remains committed to peace, stability, and counter-terrorism in the region.

— Kaja Kallas (@kajakallas) May 10, 2025

બ્રિટન

બ્રિટિશ વિદેશ સચિવ ડેવિડ લેમીએ ભારત અને પાકિસ્તાન વચ્ચે થયેલા યુદ્ધવિરામ કરારનું સ્વાગત કર્યું અને કહ્યું કે તે તણાવ ઘટાડવામાં મદદ કરશે અને તે બધાના હિતમાં છે.

Today’s ceasefire between India and Pakistan is hugely welcome.

I urge both parties to sustain this. De-escalation is in everybody’s interest.

— David Lammy (@DavidLammy) May 10, 2025

સાઉદી અરેબિયા

સાઉદી અરેબિયાએ ભારત અને પાકિસ્તાન વચ્ચેના યુદ્ધવિરામના પગલાનું સ્વાગત કર્યું છે. સાઉદી અરેબિયાના વિદેશ મંત્રાલયે ટ્વિટર પર પોસ્ટ કર્યું કે તે પાકિસ્તાન અને ભારત વચ્ચેના યુદ્ધવિરામ કરારનું સ્વાગત કરે છે. આશા છે કે બંને દેશો શાંતિ પુનઃસ્થાપિત કરશે.

#Statement | The Foreign Ministry welcomes the ceasefire agreement between the Islamic Republic of #Pakistan and the Republic of #India, optimistic that it will restore security and peace in the region. pic.twitter.com/f6AOefL9d1

— Foreign Ministry 🇸🇦 (@KSAmofaEN) May 10, 2025

પાકિસ્તાને યુદ્ધવિરામનું ઉલ્લંઘન કર્યું

યુદ્ધવિરામ કરારના કલાકો પછી, પાકિસ્તાને નિયંત્રણ રેખા પર અનેક સ્થળોએ ગોળીબાર કર્યો, જેનો ભારતીય સેનાએ વળતો જવાબ આપ્યો અને કાશ્મીરથી ગુજરાત સુધી ડ્રોન હુમલાના પ્રયાસોને નિષ્ફળ બનાવવામાં આવ્યા. ભારતે યુદ્ધવિરામ ભંગ માટે પાકિસ્તાનને જવાબદાર ઠેરવ્યું છે. વિદેશ મંત્રાલયના જણાવ્યા અનુસાર, સેના કોઈપણ કાર્યવાહી કરવા માટે સ્વતંત્ર છે.