Ahmedabad News : EDએ અમદાવાદમાં બેંક ફ્રોડના કેસમાં ત્રણ ઠેકાણે દરોડા પાડ્યા હતા. ઓરિએન્ટલ બેંક ઓફ કોમર્સ દ્વારા ફરિયાદ કરવામાં આવી હતી. જેને આધારે કાર્યવાહી કરાતા ₹10.95 કરોડની ગેરરીતિનો ખુલાસો થયો છે ઉપરાંત ઘણા મહત્વપૂર્ણ દસ્તાવેજો જપ્ત કરાયા છે.

અમદાવાદમાં એન્ફોર્સમેન્ટ ડિરેક્ટોરેટ (ED)ની ટીમે એક મોટા બેંક ફ્રોડના કેસમાં ત્રણ સ્થળોએ એક સાથે દરોડા પાડ્યા હતા. આ કાર્યવાહી ઓરિએન્ટલ બેંક ઓફ કોમર્સની ફરિયાદના આધારે CBI દ્વારા દાખલ કરાયેલી FIR પર આધારિત હોવાનું કહેવાય છે. તપાસ એજન્સીને શંકા છે કે કેટલીક કંપનીઓએ બનાવટી દસ્તાવેજોનો ઉપયોગ કરીને બેંકમાંથી મોટી રકમ ઉછીની લીધી હતી અને પછી ભંડોળ અન્યત્ર ટ્રાન્સફર કર્યું હતું.

સૂત્રો અનુસાર EDની ટીમે અમદાવાદ ઝોનમાં ત્રણ કંપનીઓ મેસર્સ શ્રી ઓમ ફેબ, મેસર્સ શ્રી બાબા ટેક્સટાઇલ અને મેસર્સ શ્રી લક્ષ્મી ફેબ.ના પરિસરમાં દરોડા પાડ્યા હતા. આ ત્રણેય કંપનીઓ રણજિત કુમાર જે. લુનિયાની માલિકીની હોવાનું કહેવાય છે.આ કંપનીઓ ગ્રે કાપડના વેપારના વ્યવસાયમાં સામેલ હોવાનું કહેવાય છે, પરંતુ તેઓએ બેંકમાંથી રોકડ ક્રેડિટ સુવિધાઓ મેળવવા માટે બનાવટી દસ્તાવેજોનો ઉપયોગ કર્યો હતો.

આ કંપનીઓએ બેંક લોન મેળવવા માટે ખોટા એકાઉન્ટ સ્ટેટમેન્ટ, નકલી ઇન્વોઇસ અને અન્ય ખોટા દસ્તાવેજો રજૂ કર્યા હોવાનું ED સૂત્રોએ જણાવ્યું હતું.,. બેંકમાંથી મળેલા નાણાંનું રોકાણ કરવાને બદલે, તે અન્ય કંપનીઓ અને ખાતાઓમાં ટ્રાન્સફર કરવામાં આવ્યા હતા. તપાસમાં આશરે ₹10.95 કરોડની રકમને ‘ગુનાની આવક’ તરીકે ઓળખવામાં આવ્યા છે.

દરોડા દરમિયાન ED ટીમે કંપનીઓની ઓફિસો અને વેરહાઉસમાંથી ઘણા મહત્વપૂર્ણ દસ્તાવેજો, કમ્પ્યુટર ડેટા અને ડિજિટલ રેકોર્ડ જપ્ત કર્યા છે. અધિકારીઓનું કહેવું છે કે બેંકમાંથી લેવામાં આવેલા નાણાં કયા ખાતામાં ટ્રાન્સફર કરવામાં આવ્યા હતા અને ત્યારબાદ તેનો ઉપયોગ ક્યાં કરવામાં આવ્યો હતો તે દિશામાં તપાસ કરાઈ રહી છે.ED ટીમો હાલમાં આ કંપનીઓની ફાઇનાન્સિયલ ટેઇલ અને લેવડદેવડના રૂટનું બારીકાઈથી વિશ્લેષણ કરી રહી છે.

આખો કેસ ત્યારે શરૂ થયો જ્યારે ઓરિએન્ટલ બેંક ઓફ કોમર્સે કંપનીઓ દ્વારા લોન ભંડોળના દુરુપયોગનો આરોપ લગાવતી ફરિયાદ નોંધાવી. બેંકે આરોપ લગાવ્યો કે લોનની રકમ ચૂકવવાને બદલે, કંપનીઓએ લોનની રકમનો ઉપયોગ વ્યક્તિગત લાભ માટે કર્યો.

CBIએ ફરિયાદના આધારે FIR દાખલ કરી હતી. ત્યારબાદ ED સુધી પહોંચાડ્યો અને બુધવારે(8 ઓક્ટોબર) એજન્સીએ પ્રિવેન્શન ઓફ મની લોન્ડરિંગ એક્ટ (PMLA) હેઠળ દરોડા પાડ્યા હતા.

આ પણ વાંચો:સાબરકાંઠાના હિંમતનગરના સિકંદર લોઢા વિઝા કૌભાંડમાં બહાર આવી વધુ એક છેતરપિંડી

આ પણ વાંચો:હિંમતનગરમાં BZ જેવી વધુ એક પોન્ઝી સ્કીમ સામે ફરિયાદ દાખલ, ARના સંચાલકો ભૂગર્ભમાં ઉતર્યા

આ પણ વાંચો:હિંમતનગર : 15 વર્ષની કિશોરીનું હાર્ટએટેકથી મોત, નાની ઉંમરમાં હાર્ટએટેકના બનાવોથી લોકોમાં ચિંતા