બોટાદ (Botad)શહેરમાં સગીર યુવતી (Minor Girl)ના આપઘાત (Suicide)થી સમગ્ર પથંકમાં ચકચાર મચી જવા પામી છે. સગીરાને પિતા (Father)ને મારી નાખવાની ધમકી મળતા ઝેરી દવા પી આપઘાત કર્યો. સગીર યુવતીએ ઝેરી દવા (Poisonous) પી લેતા હોસ્પિટલ (Hospital)માં દાખલ કરાઈ હતી. જ્યાં સારવાર દરમ્યાન તેનું મોત નિપજયુ હતું. સગીર યુવતીને ચાર યુવકોએ ધમકી આપી હતી. પોલીસે સગીરાને આપઘાત કરવા મજબૂર કરનાર યુવકો વિરુદ્ધ ગુનો નોંધી આરોપીની શોધખોળ કરી રહી છે.
સગીર યુવતી અને તેનો પિતા શહેરના હરણકુઈ વિસ્તારમાં રહે છે. સગીર યુવતીના પિતા ચમનભાઈ જકશીભાઈ છૂટક મજૂરી કરી પરિવારનું ગુજરાન ચલાવે છે. તેમના ઘરની આસપાસ વિપુલ ધુઘાભાઈ જીલીયા નામનો યુવાન વારંવાર આંટાફેરા મારતો હતો. આથી સગીરાના પિતાએ યુવકના પિતા સાથે વાત કરી. તેમણે કહ્યું કે તમારા દિકરાને સમજાવા મારા ઘર પાસે કારણવગર આંટા ના મારે. પિતા સુધી વાત પંહોચતા યુવક ગુસ્સે થયો અને સગીરાના પિતા સાથે ઝગડો કરી મારી નાખવાની ધમકી આપી. યુવક અને પિતાનો ઝગડો જોઈ સગીરા વધુ મુંઝાઈ ગઈ હતી. અને સગીર યુવતીને વધુ લાગી આવતા તેણે ઝેરી દવા પીધી.
યુવકની ધમકીથી સગીરા ડરી ગઈ અને 11મેના રોજ ઝેરી દવા પી લેતા તેને હોસ્પિટલ ખસેડવામાં આવી. જ્યાં સારવાર દરમ્યાન તેનું 14મેના રોજ મૃત્યુ થયું. પુત્રીનું મોત થતા પિતાએ બોટાદ પોલીસમાં ફરિયાદ કરી. પોલીસે ચાર શખ્સ વિપુલ ઘુઘા જીલીયા, ઘુઘાભાઈ જીલીયા, રવજીભાઈ ગડાભાઈ, મફો રામુભાઈ વિરુદ્ધ 504, 506 કલમ મુજબ હેઠળગુનો દાખલ કર્યો હતો. પોલીસ તમામ આરોપીઓને શોધવા ચક્રોગતિમાન કર્યા છે. પોતાની લાડલી દિકરીનું મોત થતા પિતાએ આરોપીને પકડ ફાંસી લગાવવાની માંગ કરી.
આ પણ વાંચો:બ્રહ્માંડમાં જોવા મળ્યો ‘ભગવાનનો હાથ’, NASAની તસવીર જોઈને લોકો થયા આશ્ચર્યચકિત
આ પણ વાંચો: રાજસ્થાનમાં HCLની કોલિહાન ખાણમાં લિફ્ટ તૂટી પડતા તમામ 14 લોકોને રેસ્કયુ કરાયા, 3ની હાલત ગંભીર
