Britain Rishi Sunak: બ્રિટન આર્થિક મોરચે સંઘર્ષ કરી રહ્યું છે. તેનું અર્થતંત્ર સંકોચાઈ રહ્યું છે. આ દરમિયાન વડાપ્રધાન ઋષિ સુનકે આર્થિક મંદીને દૂર કરવા માટે અનેક પગલાંની જાહેરાત કરી છે. બ્રિટિશ સરકારે 55,000 કરોડ પાઉન્ડની રાજકોષીય યોજના રજૂ કરી છે. નાણામંત્રી જેરેમી હંટે સરકારના ઈમરજન્સી બજેટનો ખુલાસો કર્યો છે, જેમાં ટેક્સના દરમાં મોટો વધારો કરવામાં આવ્યો છે. બ્રિટનમાં મોંઘવારી કાબૂમાં આવવાનું નામ નથી લઈ રહી. આ જ કારણ છે કે ટેક્સના દરમાં વધારો કરવામાં આવ્યો છે. નાણામંત્રીએ હાઉસ ઓફ કોમન્સમાં પાનખર નિવેદન રજૂ કર્યું, જેને વડાપ્રધાને સમર્થન આપ્યું હતું.
બજેટની મુખ્ય જાહેરાતો
ઉર્જા કંપનીઓ પર વિન્ડફોલ ટેક્સ વધારવામાં આવ્યો છે. તે 25% થી ઘટાડીને 35% કરવામાં આવ્યો છે.
ઇલેક્ટ્રિક જનરેટર પર 45 ટકાનો ટેમ્પરરી ટેક્સ લાદવામાં આવ્યો છે.
વાર્ષિક 1.25 લાખ પાઉન્ડ સુધીની કમાણી કરનારા લોકો પણ ટોચના ટેક્સના દાયરામાં આવશે.
2025થી ઇલેક્ટ્રિક વાહનો પર એક્સાઇઝ ડ્યુટી નહીં લાગે.
બજેટ સાથે રજૂ કરાયેલ સ્વતંત્ર એકમ OBRના અહેવાલમાં જણાવાયું છે કે રશિયા અને યુક્રેન વચ્ચેનું યુદ્ધ ઊર્જાના ભાવમાં ભારે વધારા માટે જવાબદાર છે. રિપોર્ટ અનુસાર 2024 સુધી અર્થવ્યવસ્થામાં સુધારાની કોઈ આશા નથી.
જણાવી દઈએ કે બ્રિટનમાં મોંઘવારીએ 41 વર્ષનો રેકોર્ડ તોડ્યો છે. તાજેતરના ડેટા અનુસાર, ઓક્ટોબર 2022 દરમિયાન બ્રિટનમાં છૂટક ફુગાવો વધીને 11.1 ટકા થઈ ગયો છે, જે 1981 પછીનું સર્વોચ્ચ સ્તર છે.
આ પણ વાંચો: Life science/દેશમાં બન્યું સૌપ્રથમ લાઈફ સાઈન્સ ડેટા સેંટર, કોરોના જેવી બીમારીની