Porbandar News : પોરબંદરમાં બોટનું રજીસ્ટ્રેશન કરાવી આપવાના બદલામાં રૂ.10,000 ની લાંચ લેતા દિનેશ પ્રેમજીભાઈ સલેટ નામનો પ્રજાજન ACBએ ગોઠવેલા છટકામાં ઝડપાઈ ગયો હતો.
આ કેસની વિગત મુજબ ફરીયાદીની બોટનું કોલ/રજીસ્ટ્રેશન કરાવી આપવા માટે ફીશરીઝ વિભાગના સાહેબને આપવા પડશે તેમ કહી આરોપી પ્રજાજન દિનેશ સલેટે ફરીયાદી પાસે રૂ.સાડા સોળ હજારની લાંચની માંગણી કરી હતી. જેમાં પ્રથમ રૂ.10,000 આપવાનું નક્કી થયું હતું. બીજીતરફ આ લાંચની રકમ ફરિયાદી આપવા માંગતા ન હોવાથી તેમણે ACBનો સંપર્ક કર્યો હતો.
તેમની ફરિયાદને આધારે ACBએ મદદનીશ મત્સોદ્યોગ નિયામકની કચેરીની બહાર, જુની કોર્ટ બીલ્ડીંગ વાળું કેમ્પસ, પોરબંદર ખાતે જાળ બિછાવી હતી. જેમાં ફરિયાદી પાસેથી રૂ.10,000ની લાંચ લેતા આરોપી પ્રજાજન દિનેશ સલેટ રંગેહાથ ઝડપાઈ ગયો હતો.
