સોલા સિવિલ હોસ્પિટલમાં દર્દીઓનો રાફડો ફાટ્યો

Ahmedabad News : અમદાવાદમાં સોલા સિવિલ હોસ્પિટલમાં દર્દીઓનો રાફડો ફાટ્યો હોય તેવું જણાય છે. આ હોસ્પિટલમાં 9 હજાર જેટલા દર્દીઓ સારવાર હેઠળ છે.

હાલમાં ચાલી રહેલી ભારે ગરમીને કારણે વાયરલ ઈન્ફેક્શનના કેસ વધ્યા છે. સોલા સિવિલ હોસ્પિટલમાં માત્ર એક જ અઠવાડિયામાં 9 હજાર દર્દીઓ સારવાર માટે સોલા સિવિલ હોસ્પિટલમાં દાખલ થયા છે.

હોસ્પિટલના સૂત્રોના જણાવ્યા મુજબ વાયરલ ઈન્ફેક્શનના 1318 કેસ નોંધઝાયા છે. માથાનો દુખાવો, બેચેની લાગવી, અશક્તિ લાગવી જેવા લક્ષણો સાથે દર્દીઓ હોસ્પિટલમાં દાખલ થયા છે.

તે સિવાય ઝાડા ઉલ્ટીના પણ 16 કેસ નોંધાયા છે. ઉપરાંત મેલેરિયાના 164 જેટલા શંકાસ્પદ કેસો નોંધાયા છે. જ્યારે ડેંગ્યુના 34 જેટલા શંકાસ્પદ કેસ નોંધાયા છે. ચિકનગુનીયાના 8 શંકાસ્પદ કેસ નોંધાયા છે. ટાઈફોઈડના 3 કેસ નોંધાયા છે. જ્યારે સ્વાઈન ફ્લૂનો એક સંકાસ્પદ કેસ નોંધાયો છે.