Ahmedabad News: અમદાવાદના વેજલપુરમાં રહેતા યુવાનને ફેસબૂક પર જાહેરાત જોઈને મકાન ખરીદવું ભારે પડી ગયું છે. તેના લીધે તેણે 10 લાખ રૂપિયા ગુમાવવાની નોબત આવી છે. વેજલપુરમાં રહેતા એક ફેસબુક જાહેરાત જોયા પછી વાસણાના એક વ્યક્તિ સાથે ઘર ખરીદવાનું નક્કી કર્યું, આ માટે તેણે પોતાનું ઘર પણ વેચી દીધું, તેના પેન્શન ફંડમાંથી પૈસા ઉપાડ્યા અને હપ્તામાં પૈસા ચૂકવ્યા. આના પછી રૂપિયા લેનારે તેમ કહી દીધું કે મકાન વેચવાનું નથી અને રૂપિયા પણ પરત આપવાનો નથી. તેથી તેને ફોન કરી હેરાન ન કરે.
આમ મકાન ખરીદવામાં ₹10 લાખની છેતરપિંડી થયા પછી, યુવકે વાસણા પોલીસ સ્ટેશનમાં છેતરપિંડી કરનારા માતા અને પુત્ર વિરુદ્ધ પોલીસ ફરિયાદ નોંધાવી. પોલીસ ફરિયાદ મુજબ વેજલપુરના રહેવાસી મયુર મહેતાએ ફેસબુક પર વાસણામાં શ્રેયશ એપાર્ટમેન્ટ, ઘર નંબર F/4, ના વેચાણની જાહેરાત જોઈ હતી. આ જાહેરાત જોયા પછી, તેણે મિતેશ ધ્રુવનો ફોન પર સંપર્ક કર્યો. રૂબરૂ મુલાકાતમાં, મિતેશએ સમજાવ્યું કે ઘર તેની માતા ગીતાબેન ધ્રુવના નામે છે. ત્યારબાદ બંનેએ ₹20,50,000 માં સોદો કર્યો. ત્યારબાદ મયુરે 15 જુન 2023ના રોજ ડાઉન પેમેન્ટ તરીકે ₹50,000 ચૂકવ્યા. ત્યારબાદ 14 ઓક્ટોબર, 2023 સુધી હપ્તામાં ઓનલાઈન વ્યવહારો દ્વારા વધારાના ₹4 લાખ મિતેષના બેંક ખાતામાં ટ્રાન્સફર કર્યા.
આ પછી, ઘર વેચનાર મિતેશએ ઘર ખરીદનાર મયૂરને ફોન કર્યો અને બાકીની રકમ 2024ની દિવાળી પહેલા ચૂકવવાનું કહ્યું. ત્યારબાદ મયુરે તે જ વિસ્તારમાં આવેલું પોતાનું ઘર વેચી દીધું અને તેના પીએફ ખાતામાંથી ભંડોળ ઉપાડ્યું અને ઓગસ્ટ 2024માં મિતેશના ખાતામાં ઓનલાઈન ₹5,50,000ની રકમ ટ્રાન્સફર કરી. આમ, મયુરે કુલ ₹1,000 મિતેષ ધ્રુવના બેંક ખાતામાં એડવાન્સ પેમેન્ટ તરીકે જમા કરાવ્યા.
10 લાખ ચૂકવવા છતાં, ઘર આપવાનો ઇનકાર કરવામાં આવતાં મયુરે બાકીના ₹10,50,000 અને કરાર મુજબ જરૂરી દસ્તાવેજોની માંગણી કરી, ત્યારે મિતેશે કહ્યું કે તે જુલાઈ 2025માં સોદો અને કબજો પૂર્ણ થયા પછી જ દસ્તાવેજો પૂરા પાડશે. આ સમયમર્યાદાના બે મહિના પછી પણ, આરોપીએ દસ્તાવેજો પૂરા પાડ્યા નહીં અને બાકીની રકમ મેળવવા માટે એક નવો એકાઉન્ટ નંબર આપ્યો. વધુમાં, થોડા સમય પછી, મિતેશે ફોન પર મયુરને સ્પષ્ટપણે કહ્યું કે તે હજુ સુધી ઘર વેચવાનો નથી અને તેણે તેને ફોન કે મેસેજ કરીને હેરાન ન કરે. આ પછી, મયુરે મિતેશ ધ્રુવ અને તેની માતા ગીતાબેન સામે છેતરપિંડીની પોલીસમાં ફરિયાદ નોંધાવી.
