અમદાવાદના સાબરમતી વિસ્તારમાં રવિવારે રહેણાંક વિસ્તારમાં એક વ્યક્તિએ બે લોકો પર તલવાર વડે હુમલો કર્યો હતો, જેમાં 60 વર્ષીય મહિલાનું મોત થયું અને તેની 40 વર્ષની પુત્રીને ઈજા થઈ હતી. આરોપી પીડિતાના ઘરે મટન રાંધવા માટે કહ્યા વગર જ ઘુસી ગયો હતો, જેના પર તેણે આરોપીને ગાળો આપી, ગુસ્સે થઈને તેણે મહિલા અને તેની માતા પર તલવાર વડે હુમલો કર્યો હતો. હાલ આરોપી ફરાર જણાવવામાં આવી રહ્યો છે.
પોલીસના જણાવ્યા અનુસાર, આ ઘટના જગન્નાથની ચાલી ખાતે રાત્રે 9 વાગ્યાની આસપાસ બની હતી જ્યાં પીડિતા ઈન્દર કૌર (60)નું મૃત્યુ થયું હતું અને તેની પુત્રી કિર્તન કૌર ગંભીર રીતે ઘાયલ થઈ હતી, આરોપી રૂપ સિંહ પીડિતાનો દૂરનો સંબંધી છે અને બે દિવસ પહેલા કિર્તનને તેમના ઘરમાં પરવાનગી વગર પ્રવેશવા બદલ ઠપકો આપ્યા બાદ બંને પર હુમલો કર્યો હતો. કિર્તન કૌરે તેની પોલીસ ફરિયાદમાં જણાવ્યું હતું કે શનિવારે રાત્રે હું મારા પુત્રના લગ્ન સમારોહ બાદ પંચમહાલથી અમદાવાદમાં મારા ઘરે પહોંચી ત્યારે મને રૂપ સિંહ મારા ઘરે બેઠેલો જોવા મળ્યો હતો. જ્યારે મેં તેને કારણ પૂછ્યું તો તેણે મને કહ્યું કે તે મારા રસોડામાં મટન રાંધવા માંગે છે. જ્યારે હું નીકળી ત્યારે મેં તેને મારા ઘરમાં ન પ્રવેશવાની ચેતવણી આપી હતી.
કીર્તન કૌરે જણાવ્યું કે રવિવારે રાત્રે મારા પુત્રના લગ્નનું એક ફંકશન હતું અને રાત્રે લગભગ 9 વાગે મહેમાનો ગયા પછી હું બચેલો ખોરાક ડસ્ટબીનમાં ફેંકવા ગઈ હતી ત્યારે રૂપ સિંહ તલવાર લઈને આવ્યો અને મારા હાથ અને પગ પર હુમલો કર્યો હતો. જેના પર મારી માતા ઈન્દર કૌર મને બચાવવા ઘરની બહાર આવી હતી.આના પર આરોપીએ તેને પુરી તાકાતથી ધક્કો માર્યો અને તે જમીન પર પડી અને બેહોશ થઈ ગઈ.
60 વર્ષની માતાનું હોસ્પિટલમાં મૃત્યુ
પોલીસના જણાવ્યા અનુસાર પીડિતાને સિવિલ હોસ્પિટલમાં લઈ જવામાં આવી હતી જ્યાં તેને મૃત જાહેર કરવામાં આવી હતી. રૂપ સિંહ સામે હત્યા માટે IPC 302 અને ગંભીર ઈજા પહોંચાડવા માટે 324 હેઠળ કેસ નોંધવામાં આવ્યો હતો. પોલીસે જણાવ્યું કે આરોપી ફરાર છે.
આ પણ વાંચો:ગુજરાત ATSએ 1993ના મુંબઈ બ્લાસ્ટના 4 આરોપીઓની કરી ધરપકડ
આ પણ વાંચો:ગુજરાતના ફૂડ એન્ડ ડ્રગ કંટ્રોલની મુલાકાતે USFDA ટીમ
આ પણ વાંચો:પૂર્વ મુખ્યમંત્રી શંકરસિંહ વાઘેલાના અંગત મદદનીશ સહિત છ લોકો સામે હુમલો અને છેડતીનો ગુનો
