Abu Road News : રાજસ્થાનના આબુરોડ (Abu Road)માં એક હચમચાવી દે તેવી અકસ્માત (Accident)ની ઘટના સામે આવી છે. શહેરના વ્યસ્ત રેલ્વે સ્ટેશન ચાર રસ્તા પર પૂરઝડપે દોડી રહેલી કાર અને બાઈક (Car Bike Collision)વચ્ચે થયેલી જોરદાર ટક્કરે સમગ્ર વિસ્તારમાં અફરાતફરી મચાવી દીધી હતી. અકસ્માત એટલો ભયાનક હતો કે ઘટનાસ્થળે હાજર લોકો પણ ક્ષણભર માટે સ્તબ્ધ થઈ ગયા હતા.
પ્રાપ્ત માહિતી અનુસાર, કાર અને બાઈક સામસામે આવતા જ જોરદાર ટક્કર થઈ હતી. ટક્કરની તીવ્રતા એટલી વધુ હતી કે બાઈક ચલાવી રહેલો યુવક અનેક ફૂટ સુધી હવામાં ફંગોળાઈ ગયો હતો અને પછી રોડ પર પટકાયો હતો. સમગ્ર ઘટના નજીકમાં લાગેલા સીસીટીવી કેમેરામાં કેદ થઈ ગઈ છે, જેના વીડિયો સોશિયલ મીડિયા પર ઝડપથી વાયરલ થઈ રહ્યા છે.
અકસ્માત (Accident)બાદ આસપાસના લોકો તરત જ મદદ માટે દોડી આવ્યા હતા. ઈજાગ્રસ્ત યુવકને ગંભીર હાલતમાં નજીકની હોસ્પિટલમાં સારવાર માટે ખસેડવામાં આવ્યો હતો. હાલ ડોક્ટરોની દેખરેખ હેઠળ તેની સારવાર ચાલી રહી છે. તેની હાલત અંગે વધુ સત્તાવાર માહિતી હજુ સુધી જાહેર કરવામાં આવી નથી.
આ ઘટનાએ ફરી એકવાર રસ્તા પર ઝડપથી વાહન ચલાવવાના જોખમ અંગે ચેતવણી આપી છે. પોલીસ સમગ્ર મામલાની તપાસ કરી રહી છે અને અકસ્માતનું ચોક્કસ કારણ જાણવા માટે સીસીટીવી ફૂટેજ સહિતના પુરાવાઓની તપાસ કરવામાં આવી રહી છે.
