Mehsana News: સમગ્ર વિસ્તારના ખેડૂતોમાં લોકપ્રિય એવા વિસનગર APMC ભોજનાલયની મહામહિમ રાજ્યપાલ આચાર્ય દેવવ્રતએ (Acharya Devvrat) મુલાકાત લીધી હતી. આ દરમિયાન તેમણે ભોજનાલયની વ્યવસ્થા, સ્વચ્છતા અને ભોજનની ગુણવત્તાની કામગીરીનું નિરીક્ષણ કર્યું હતું.
Acharya Devvrat: આધુનિક વ્યવસ્થા અને સ્વચ્છતાની પ્રશંસા.
નહીં નફો કે નહીં નુકસાનના ધોરણે સંચાલિત આ ભોજનાલયમાં રસોઈ બનાવવાથી લઈને ભોજન પીરસવા સુધીની પ્રક્રિયામાં જાળવવામાં આવતી સ્વચ્છતા અને શુદ્ધતા જોઈ રાજ્યપાલ પ્રભાવિત થયા હતા. ભોજનાલયમાં આધુનિક સુવિધાઓ સાથે કડક સ્વચ્છતા જાળવવામાં આવતી હોવાનું પણ તેમણે નિહાળ્યું હતું.
નજીવી કિંમતે ઘર જેવું ભોજન
વિસનગર APMC ભોજનાલયમાં ખેડૂતો સહિત અન્ય લોકોને પણ નજીવી કિંમતે ઘર જેવું શુદ્ધ, સાત્વિક અને પૌષ્ટિક ગુજરાતી ભોજન ઉપલબ્ધ કરાવવામાં આવે છે. ખેડૂતો માટે આ પ્રકારની સુવિધા ઉપયોગી સાબિત થઈ રહી છે.
ભોજનાલયનો મુખ્ય ઉદ્દેશ નફો કમાવાનો નહીં પરંતુ ખેડૂતો અને સામાન્ય લોકોને ગુણવત્તાયુક્ત ભોજન સરળતાથી મળી રહે તેવો છે. રાજ્યપાલે સમગ્ર વ્યવસ્થા નિહાળી ભોજનાલયની કામગીરી અંગે આનંદ વ્યક્ત કર્યો હતો.
આ પણ વાંચો: ખેડૂતો માટે મોટી પહેલ! વિસનગરમાં પ્રાકૃતિક કૃષિ પરિસંવાદ, ખર્ચ ઘટાડવા રાજ્યપાલની અપીલ
આ પણ વાંચો: ડીસામાં બનશે એશિયાનું પહેલું ડેઝર્ટ ઝૂ! કરોડોના પ્રોજેક્ટને CZAની મંજૂરી, નાઇટ સફારી બનશે સૌથી મોટું આકર્ષણ
આ પણ વાંચો: ગુજરાત સરકારનો માસ્ટરસ્ટ્રોક! જિલ્લા પંચાયતથી મહાનગરપાલિકા સુધી કરોડોની ગ્રાન્ટ
