રાજસ્થાનમાં સચિન પાયલોટ અને તેમના સમર્થક ધારાસભ્યના કારણે કોંગ્રેસ મુસીબતમાં મુકાઇ ગઇ છે. ત્યારે રાજસ્થાનમાં પણ ભાજપની સ્થિતિ સારી નથી અહીંયા પણ ભાજપે પોસ્ટર જાહેર કર્યો હતો તેમાં રાજસ્થાન પૂર્વ મુખ્યમંત્રી અને કદાવર નેતા વંસુધરા રાજેની તસવીર પોસ્ટરમાંથી બાકાત જોવા મળે છે. રાજસ્થાનમાં પણ ભાજપમાં આંતરિક વિખવાદ જોવા મળે છે ત્યાં પણ બે જૂથ પડી ગયાં છે. એક બાજુ વંસુધરા રાજેની લોબી તો બીજી બાજુસતીશ પુનીયાની લોબી હાલ આમને સામને જોવા મળે છે.
‘લક્ષ્ય અંત્યોદય પ્રણ અંત્યોદય, પથ અંત્યોદય’ ના સંકલ્પ સાથે જારી કરાયેલા હોર્ડિંગ પર વડા પ્રધાન નરેન્દ્ર મોદી, ભાજપના રાષ્ટ્રીય અધ્યક્ષ જેપી નડ્ડા, પ્રદેશ અધ્યક્ષ સતિષ પુનિયા અને ચાર નેતાઓની તસવીરો છે. રાજસ્થાનમાં ભાજપના હોર્ડિંગ્સમાંથી વસુંધરા રાજેની તસવીર પહેલીવાર ગાયબ જોવા મળી હતી ,20 વર્ષમાં પહેલીવાર આ ઘટના બની છે.
જોકે પાર્ટીનું કહેવું છે કે હોર્ડિંગ્સમાં કોની તસવીર પ્રદર્શિત થશે, તે કોઈ પણ નેતા દ્વારા નહીં, પરંતુ સમિતિ દ્વારા નક્કી કરવામાં આવે છે. જ્યારે સતિષ પૂનિયાને આ વિશે પૂછવામાં આવ્યું ત્યારે તેમણે કહ્યું કે આવા ફેરફારો થતા રહે છે. નવા લોકો આવતા રહે છે અને જૂના લોકો જતા રહે છે.હોર્ડિંગ્સમાંથી વસુંધરા રાજેની તસવીર ગાયબ થયા બાદ તેના સમર્થકો રોષે ભરાયા છે. તેમનું કહેવું છે કે રાજસ્થાનમાં વસુંધરા માત્ર ભાજપ માટે જ જરૂરી નથી, પરંતુ તે એક મજબૂરી પણ છે.
રાજસ્થાનની રાજધાની જયપુરમાં પાર્ટી હેડક્વાર્ટરની બહાર મોટા હોર્ડિંગ્સ છે. વડા પ્રધાન નરેન્દ્ર મોદી, ભાજપના રાષ્ટ્રીય અધ્યક્ષ જેપી નડ્ડા ઉપરાંત ગુલાબચંદ કટારિયા અને સતિષ પૂનીયાની તસ્વીર છે. અને બીજા હોર્ડિંગમાં, દીન દયાળ ઉપાધ્યાય અને સ્યામા પ્રસાદ મુખર્જીની તસ્વીર છે.
