નેશનલ ટેકનિકલ એડવાઈઝરી કમિટી ઓન ઈમ્યુનાઈઝેશન (NTAGI) એ 12 થી 17 વર્ષની વયની કિશોરીઓના રસીકરણ માટે સીરમ ઈન્સ્ટીટ્યુટ ઓફ ઈન્ડિયાની કોરોના રસી કોવોવેક્સને મંજૂરી આપી છે. NTAGI એ હજુ સુધી 5 થી 12 વર્ષની વય જૂથના બાળકોના કોરોના રસીકરણ અંગે કોઈ નિર્ણય લીધો નથી.
શુક્રવારનો દિવસ કોરોના મહામારી સામેના યુદ્ધમાં મોટી સફળતા લઈને આવ્યો. સીરમ ઇન્સ્ટિટ્યૂટ ઓફ ઇન્ડિયા (SII) દ્વારા વિકસિત નવી કોરોના રસી ‘કોવોવેક્સ’ ને નેશનલ ટેકનિકલ એડવાઈઝર (NTAGI) દ્વારા મંજૂરી આપવામાં આવી છે.
જો કે, આ રસી ક્યારે શરૂ થશે તે અંગેની માહિતી હજુ મળી નથી. એવું પણ જાણવા મળ્યું છે કે NTAGI એ હજુ સુધી 5 થી 12 વર્ષની વયના બાળકોના કોરોના રસીકરણ અંગે કોઈ નિર્ણય લીધો નથી.
નોંધનીય છે કે, કોવોવેક્સની સમીક્ષા એપ્રિલની શરૂઆતમાં NTAGI દ્વારા કરવાની હતી. સીરમ ઇન્સ્ટિટ્યૂટની આ વેક્સિનને 12 થી 17 વર્ષની વયની કિશોરીઓ પર લગાવવાની મંજૂરી આપવામાં આવી છે. નોંધનીય છે કે અગાઉ ભારતના ડ્રગ કંટ્રોલર જનરલે ગયા વર્ષે 28 ડિસેમ્બરે પુખ્ત વયના લોકો માટે કોવોવેક્સ રસીના ઉપયોગને મંજૂરી આપી હતી.
આ પણ વાંચો:અમૃતસરમાં પાકિસ્તાની ષડયંત્ર નિષ્ફળ, ‘મેડ ઇન ચાઇના’ ડ્રોન પકડાયું
