એક કંપનીએ એડલ્ટ વીડિયો જોવાના એટલે કે પોર્ન વીડિયો જોઇને રિવ્યુ આપવાની નોકરીની વેકેન્સી નીકાળી છે,આ નોકરીની જાહેર ખબર આવતાની સાથે જ લોકોએ ફટાફટ આવેદન કરી દીધું,છેલ્લા બે દિવસમાં 31 હજાર લોકોએ આ નોકરી માટે અરજી કરી છે.કંપનીમાં કામ કરવા માટે કેટલીક શરતો પણ છે. આ કંપનીનું નામ બેડબિબલ છે. આ કંપની પુખ્ત ઉત્પાદનોની સમીક્ષાઓ પ્રદાન કરે છે.
કંપનીએ પોર્ન વીડિયો જોવાનું અને રિવ્યુ કરવાની નોકરીની ઓફર કરી છે. માત્ર 2 દિવસમાં 31 હજાર લોકોએ આ નોકરી માટે અરજી કરી છે.’ધ સન’ના એક અહેવાલ અનુસાર, અમેરિકન કંપની બેડબિબલના પદ પર જોડાનાર વ્યક્તિ, જેના માટે આ નોકરી લેવામાં આવી છે, તેમણે પોર્ન વીડિયોની સમીક્ષા કરવી પડશે. બેડબિબલ કંપની પસંદ કરાયેલ વ્યક્તિ સાથે સતત સંપર્કમાં રહેશે.
ઉદાહરણ તરીકે, આમાં વિડિયો સમયગાળો, સ્ત્રી-પુરુષ ગુણોત્તર, વાળનો રંગ, ભાષાનો સમાવેશ થાય છે. આ તમામ ડેટાનો ઉપયોગ કરીને એક વિગતવાર રિપોર્ટ બનાવવો પડશે, જેથી તે વીડિયો જોનારા લોકોની આદતો સમજાવી શકે.ખાસ વાત એ છે કે આ નોકરીમાં એક કલાકનો પગાર લગભગ 1500 રૂપિયા હશે. બીજી તરફ 50 કલાક સુધી એડલ્ટ વીડિયો જોવા પર કુલ 75 હજાર રૂપિયા મળશે.
કોઈપણ વ્યક્તિ જેની ઉંમર 21 વર્ષ અને તેથી વધુ છે તે આ નોકરી માટે અરજી કરી શકે છે. આ નોકરી ગમે ત્યાં બેસીને કરી શકાય છે, તેથી વિશ્વની કોઈપણ વ્યક્તિ તેના માટે અરજી કરી શકે છે.
બેડબિબલના હેડ કન્ટેન્ટ ક્રિએટર એડવિના કાઈટોએ ડેઈલી સ્ટારને કહ્યું, ‘પોર્નોગ્રાફી એ અબજો ડોલરનો ઉદ્યોગ છે. અમને આશા છે કે અમારા સંશોધનમાંથી ઘણી નવી બાબતો બહાર આવશે.
