T20 WC: મહિલા T20 વર્લ્ડ કપની બીજી સેમિફાઇનલમાં દક્ષિણ આફ્રિકાએ ઇંગ્લેન્ડને 6 રને હરાવી ફાઇનલમાં જગ્યા બનાવી લીધી છે. જ્યાં તેનો સામનો ઓસ્ટ્રેલિયા સામે થશે. ઓસ્ટ્રેલિયાએ મહિલા વિશ્વ કપની પ્રથમ સેમિફાઇનલમાં ભારતને પાંચ રનથી હરાવી ફાઇનલમાં પ્રવેશ મેળવ્યો હતો. પ્રથમ બેટિંગ કરતા દક્ષિણ આફ્રિકાએ બંને ઓપનરોની અડધી સદીની મદદથી 20 ઓવરમાં 4 વિકેટ ગુમાવીને 164 રન બનાવ્યા હતા. જવાબમાં ઇંગ્લેન્ડની ટીમ ધમાકેદાર શરૂઆત બાદ 20 ઓવરમાં 8 વિકેટ ગુમાવીને 158 રન જ બનાવી શકી હતી.
T20 WC:દક્ષિણ આફ્રિકાના 165 રનના જવાબમાં ઇંગ્લિશ ઓપનરોની શરૂઆત ધમાકેદાર રહી હતી. વ્યાટ અને સોફિયા વચ્ચે પ્રથમ વિકેટ માટે 53 રનની ભાગીદારી થઈ હતી. એલિસ ખાતું ખોલાવ્યા વિના જ આઉટ થઈ ગઈ. આ પછી ડેનિયલ વ્યાટ પણ 34 રન બનાવીને પેવેલિયન પરત ફર્યો હતો. નેટ સાયવર અને કેપ્ટન હીથર નાઈટે ચોથી વિકેટની મહત્ત્વપૂર્ણ ભાગીદારી કરી હતી, પરંતુ સાયવર 40ના વ્યક્તિગત સ્કોર પર આઉટ થઈ ગયો હતો. આ પછી કેપ્ટને લીડ લીધી, પરંતુ તે જીતી શકી નહીં. ટીમને છેલ્લા 6 બોલમાં 13 રનની જરૂર હતી, પરંતુ ટીમ માત્ર 6 રન બનાવી શકી હતી.
T20 WC આ પહેલા ઓપનર લૌરા વુલફાર્ટ અને તાજમીન બ્રિટ્ઝની અડધી સદીની મદદથી દક્ષિણ આફ્રિકાએ શુક્રવારે ICC T20 મહિલા વર્લ્ડ કપની બીજી સેમીફાઈનલમાં ઈંગ્લેન્ડ સામે ચાર વિકેટે 164 રન બનાવ્યા હતા. વૂલ્ફાર્ટે 44 બોલમાં 53 રન બનાવ્યા હતા જ્યારે બ્રિટ્ઝે 55 બોલમાં 68 રન બનાવ્યા હતા. આ બંનેએ પ્રથમ વિકેટ માટે 96 રનની ભાગીદારી નોંધાવી ટોસ જીતીને પ્રથમ બેટિંગ કરવાનું પસંદ કર્યા બાદ દક્ષિણ આફ્રિકાએ શાનદાર શરૂઆત કરી હતી.
T20 WC:ઈંગ્લેન્ડ માટે સ્ટાર સ્પિનર સોફી એક્લેસ્ટોને ચાર ઓવરમાં 22 રન આપીને ત્રણ વિકેટ ઝડપી હતી. વૂલફાર્ટે સતત બીજી અડધી સદી ફટકારી હતી. 23 વર્ષીય ખેલાડીએ પોતાની ઇનિંગમાં પાંચ ચોગ્ગા અને એક છગ્ગા ફટકાર્યા હતા. એક્લેસ્ટોને ઈંગ્લેન્ડને પ્રથમ સફળતા અપાવી જ્યારે વૂલ્ફર્ટને ચાર્લોટ ડીન દ્વારા કેચ કરવામાં આવ્યો. આ પછી તેના સાથી ઓપનર બ્રિટ્ઝે પોતાનું આક્રમક વલણ બતાવ્યું. તેના બોલ લેગ સ્પિનર સારાહ ગ્લેનને છગ્ગા આંખે ઉડીને આંખે વળગે તેવા હતા. તેણે પોતાની ઇનિંગમાં છ ચોગ્ગા અને બે છગ્ગા ફટકાર્યા હતા.
મુલાકાત/ અરવિંદ કેજરીવાલે માતોશ્રી ખાતે ઉદ્ધવ ઠાકરે સાથે મુલાકાત કરી હતી,આ મુદ્દે થઇ ચર્ચા
