ઉત્તર પ્રદેશમાં છઠ્ઠા તબક્કાનું મતદાન આજે સવારે 7 વાગ્યાથી શરૂ થઈ ગયું છે. છઠ્ઠા તબક્કાની ચૂંટણીમાં મુખ્યમંત્રી યોગી આદિત્યનાથ ગોરખપુર શહેરની બેઠક પરથી મેદાનમાં છે. ગુરુવારે સવારે મતદાન શરૂ થતાંની સાથે જ યોગી આદિત્યનાથે ગોરખપુરની પ્રાથમિક શાળા ગોરખનાથ કન્યા નગર વિસ્તારમાં મતદાન કર્યું હતું. આ પછી મીડિયાને સંબોધતા તેમણે વિધાનસભા ચૂંટણીમાં 300 સીટો જીતવાનો દાવો કર્યો હતો.
આ પણ વાંચો:ચૂંટણી પહેલા આજે ગુજરાતનું બજેટ, CM ભૂપેન્દ્રભાઈ પટેલની અગ્નિપરીક્ષા
સીએમ યોગી આદિત્યનાથે કહ્યું, ‘લોકોમાં ઉત્સાહ છે. આ સામાન્ય લોકોની જાગૃતિનો પુરાવો છે કે લોકો તેમની બંધારણીય ફરજો પ્રત્યે જાગૃત છે. 9 જિલ્લાના મતદારોને મારી અપીલ છે કે ભાજપને મત આપો, અમે 80%થી વધુ બેઠકો જીતીશું અને ભાજપ રેકોર્ડ બનાવશે. પાંચ તબક્કામાં ચૂંટણી યોજાઈ છે. પાંચ તબક્કાના વલણોમાં ભાજપ સંપૂર્ણ બહુમતી સાથે આગળ છે. છઠ્ઠા તબક્કાની ચૂંટણીમાં જોરદાર સિક્સર જોવા મળશે. સાતમા તબક્કામાં આ આંકડો 2017ની તર્જ પર રેકોર્ડ બનાવતો જોવા મળશે.
મુખ્યમંત્રીએ કહ્યું, “પીએમ મોદીના નેતૃત્વમાં, ભાજપ રેકોર્ડ બનાવશે અને ઉત્તર પ્રદેશ વિધાનસભા ચૂંટણીના છઠ્ઠા તબક્કામાં મોટી સંખ્યામાં બેઠકો જીતશે.” અમે વિધાનસભા ચૂંટણીમાં 300 બેઠકો જીતવાના અમારા લક્ષ્ય તરફ આગળ વધીશું.