કોરોના લોકડાઉન પૂર્ણ થયા પછી, સામાન્ય લોકોથી લઈને બોલિવૂડ સેલેબ્સ, તેઓ પોતપોતાના જીવનમાં વ્યસ્ત થઈ ગયા છે અને તેમના પ્રોજેક્ટ્સ પૂર્ણ કર્યા પછી પાર્ટીઓ અને ઇવેન્ટ્સમાં જવા લાગ્યા છે. પરંતુ હવે જોવા મળી રહ્યું છે કે દેશભરમાં કોરોનાનાં કેસ ફરી વધી રહ્યા છે. સોમવારે, કરીના કપૂર અને અમૃતા અરોરાનાં કોરોના પોઝિટિવ હોવાના સમાચાર આવ્યા હતા. હવે એવા અહેવાલ છે કે સોહેલ ખાન અને સંજય કપૂરની પત્નીઓ એટલે કે સીમા ખાન અને મહિપ કપૂર પણ કોવિડ 19નો શિકાર બની છે.
આ પણ વાંચો – કોરોના સંક્રમિત / કરીના કપૂર અને અમૃતા અરોરાને થયો કોરોના, રિયા કપૂરના ઘરે ગર્લ ગેંગ સાથે કરી હતી પાર્ટી
જણાવી દઈએ કે, સોહેલની પત્ની ઘરે જ સારવાર લઈ રહી છે. વળી, સંજય કપૂરે પણ તેની પત્નીને કોરોના હોવાના સમાચારની પુષ્ટિ કરી છે. તેણે કહ્યું- હા, મહિપને કોરોના થયો છે. તેને થોડા લક્ષણો છે. તેણીએ પોતાને અલગ કરી લીધી છે અને સંપૂર્ણ સાવચેતી રાખી રહી છે. જણાવી દઇએ કે, ઓમિક્રોનનાં ખતરા વચ્ચે ફરી એકવાર કોરોના વાયરસનો ઘેરો પડછાયો બોલિવૂડ પર પોતાના પગ ફેલાવવા લાગ્યો છે. તેનું એક મોટું કારણ ફિલ્મી દુનિયાનાં લોકોની બેદરકારી છે. સોમવારે અભિનેત્રી કરીના કપૂર ખાન અને અમૃતા અરોરાનો કોવિડ પોઝિટિવ આવ્યા બાદ હવે વધુ બે અભિનેત્રીઓ મહામારીની ઝપેટમાં આવી છે. હા, હવે અભિનેતા સંજય કપૂરની પત્ની મહિપ કપૂર અને સલમાન ખાનનાં ભાઈ સોહેલ ખાનની પત્ની સીમા ખાન પણ કોવિડ પોઝિટિવ થઈ ગઈ છે. મીડિયા રિપોર્ટ્સ અનુસાર, મહિપ કપૂરમાં કોરોના વાયરસનાં હળવા લક્ષણો છે, તેને શરદી અને તાવની ફરિયાદ છે. કોવિડ-19નો રિપોર્ટ પોઝિટિવ આવ્યા બાદ તેણે પોતાને અલગ કરી લીધી છે. બીજી તરફ, મહિપ કપૂરે તે તમામ લોકોને અપીલ કરી છે જેઓ છેલ્લા કેટલાક દિવસોથી તેના સંપર્કમાં આવ્યા છે. દરમિયાન, BMCએ કરીના કપૂરને કોરોના સંક્રમિત થયા બાદ તેનું ઘર સીલ કરી દીધું છે.
આ પણ વાંચો – Miss Universe 2021 / મિસ યુનિવર્સના 70 વર્ષના ઈતિહાસમાં ત્રણ ભારતીય સુંદરીઓએ જીત્યો તાજ, હરનાઝ સંધુ સાથે જોડાયેલા છે આ બે સુંદીરીના નામ
સમાચાર મુજબ, થોડા દિવસો પહેલા કરીના અને અમૃતા અરોરા બોલિવૂડ ફિલ્મ નિર્દેશક કરણ જોહર અને રિયા કપૂરની પાર્ટીમાં હાજરી આપી હતી. મલાઈકા અરોરા, કરિશ્મા કપૂર, મસાબા ગુપ્તા સહિત ઘણા બોલિવૂડ સ્ટાર્સે રિયાની પ્રી-ક્રિસમસ પાર્ટીમાં હાજરી આપી હતી. આ સિવાય કરણ જોહરની પાર્ટીમાં ફિલ્મી દુનિયાનાં સેલેબ્સની ભીડ પણ જોવા મળી હતી. કરણની પાર્ટીમાં અર્જુન કપૂર અને આલિયા ભટ્ટ પણ પહોંચ્યા હતા.
