Ahmedabad News: અમદાવાદના શીલજ વિસ્તારમાં આવેલી આનંદ નિકેતન સ્કૂલ (Ahmedabad Anand Niketan School)માં વિદ્યાર્થીને આપવામાં આવેલા ભોજનમાંથી કાચનો ટુકડો મળી આવ્યો હોવાના આક્ષેપ બાદ વાલીઓમાં ભારે રોષ જોવા મળ્યો હતો. ઘટના અંગે રજૂઆત કરવા પહોંચેલા વાલીઓએ શાળા પ્રશાસન સામે અનેક સવાલો ઉઠાવ્યા હતા.
વાલીઓનો આક્ષેપ છે કે બાળકના ભોજનમાંથી કાચનો ટુકડો મળ્યા બાદ તેની તબિયત અંગે તપાસ કરાવવા માટે તેને હોસ્પિટલ લઈ જવામાં આવ્યો હતો. તબીબી તપાસ માટે જરૂરી હોવાના કારણે વાલીઓએ શાળા પ્રશાસન પાસે કાચનો ટુકડો માંગ્યો હતો, પરંતુ શાળા તરફથી તે આપવાનો ઈનકાર કરવામાં આવ્યો હોવાનો દાવો કરવામાં આવ્યો છે.
ભોજનમાંથી કાચનો ટુકડો મળ્યાનો આક્ષેપ
મળતી માહિતી મુજબ, શાળામાં વિદ્યાર્થીને પીરસવામાં આવેલા ભોજનમાંથી કાચનો ટુકડો મળી આવ્યો હતો. આ ઘટનાને પગલે વાલીઓમાં ચિંતા ફેલાઈ હતી.બાળકને કોઈ નુકસાન થયું છે કે નહીં તે જાણવા માટે તેને તબીબી તપાસ માટે લઈ જવામાં આવ્યો હોવાનું જણાવાયું છે. વાલીઓએ ઘટનાના પુરાવા તરીકે કાચનો ટુકડો માંગ્યો હતો, પરંતુ તે ન મળતાં તેઓએ શાળા તંત્રની કામગીરી સામે સવાલો ઉઠાવ્યા હતા.
Ahmedabad Anand Niketan School: વાલીઓ સાથે ઉદ્ધતાઈભર્યું વર્તન થયાનો આક્ષેપ
વાલીઓનો આરોપ છે કે ઘટના અંગે જવાબદાર વ્યક્તિઓ સમક્ષ રજૂઆત કરવા જતાં તેમને યોગ્ય જવાબ મળ્યો નહોતો. શિક્ષકો અને શાળા પ્રશાસન દ્વારા તેમની સાથે ઉદ્ધતાઈભર્યું વર્તન કરવામાં આવ્યું હોવાનો પણ વાલીઓએ આક્ષેપ કર્યો છે.ઘટનાને લઈને મોટી સંખ્યામાં વાલીઓ શાળા પરિસરમાં પહોંચ્યા હતા અને જવાબદાર સંચાલકો સમક્ષ રજૂઆત કરવાની માંગ કરી હતી.
Ahmedabad Anand Niketan School: રજૂઆત સમયે આચાર્ય હાજર ન હોવાનો આક્ષેપ
વાલીઓ જ્યારે મોટી સંખ્યામાં શાળા ખાતે પહોંચ્યા ત્યારે શાળાના આચાર્ય અથવા અન્ય કોઈ જવાબદાર સંચાલક હાજર ન હોવાનું વાલીઓએ જણાવ્યું હતું.જવાબદાર વ્યક્તિઓ સાથે સીધી વાતચીત ન થઈ શકતાં વાલીઓમાં વધુ રોષ જોવા મળ્યો હતો. વાલીઓએ સમગ્ર ઘટનાની નિષ્પક્ષ તપાસ કરવાની અને ભોજનની ગુણવત્તા તથા સલામતી અંગે જવાબદારી નક્કી કરવાની માંગ કરી છે.
Ahmedabad Anand Niketan School:NCERT અભ્યાસક્રમને લઈને પણ સવાલો
ભોજનની ઘટના બાદ વાલીઓએ શાળાની શૈક્ષણિક પદ્ધતિ અંગે પણ કેટલાક ગંભીર આક્ષેપો કર્યા છે. વાલીઓનો દાવો છે કે શાળામાં NCERTના નિર્ધારિત અભ્યાસક્રમથી અલગ સામગ્રી ભણાવવામાં આવે છે.આ ઉપરાંત, વિદ્યાર્થીઓને બિનજરૂરી પુસ્તકો ખરીદવા માટે દબાણ કરવામાં આવતું હોવાનો પણ આક્ષેપ કરવામાં આવ્યો છે. આ બાબતે પણ વાલીઓ દ્વારા શાળા તંત્ર પાસેથી સ્પષ્ટતા માંગવામાં આવી છે.
Ahmedabad Anand Niketan School:અન્ય ધર્મના પુસ્તકો અંગે પણ વિવાદ
શાળામાં અન્ય ધર્મ સાથે સંબંધિત પુસ્તકો ભણાવવામાં આવતા હોવાના આક્ષેપને પગલે મામલો વધુ વણસ્યો હતો. આ મુદ્દાની જાણ થતાં કેટલાક હિન્દુ સંગઠનોના કાર્યકરો પણ શાળા ખાતે પહોંચ્યા હતા અને તપાસ તથા કાર્યવાહી કરવાની માંગ કરી હતી.આ મુદ્દે શાળાની શિક્ષણ પદ્ધતિ અને વિદ્યાર્થીઓને આપવામાં આવતી શૈક્ષણિક સામગ્રી અંગે પણ ચર્ચા શરૂ થઈ છે.
Ahmedabad Anand Niketan School:DEOએ શાળાને શો-કોઝ નોટિસ ફટકારી
સમગ્ર વિવાદ વચ્ચે જિલ્લા શિક્ષણ અધિકારી (DEO) દ્વારા આનંદ નિકેતન સ્કૂલ (Ahmedabad Anand Niketan School)ને કારણદર્શક નોટિસ આપવામાં આવી છે.DEO દ્વારા શાળાના અધિકૃત પ્રતિનિધિને સમગ્ર મામલે સ્પષ્ટતા કરવા માટે 12 ઓગસ્ટે રૂબરૂ હાજર રહેવા આદેશ કરવામાં આવ્યો છે.હવે DEO સમક્ષ શાળા તંત્ર શું સ્પષ્ટતા રજૂ કરે છે અને તપાસ બાદ શિક્ષણ વિભાગ દ્વારા શું કાર્યવાહી કરવામાં આવે છે તેના પર સૌની નજર છે.
વાલીઓની માંગ શું?
વાલીઓ દ્વારા મુખ્યત્વે ભોજનની ગુણવત્તા અને સલામતીની તપાસ, કાચનો ટુકડો કેવી રીતે ભોજનમાં આવ્યો તેની તપાસ અને જવાબદારી નક્કી કરવાની માંગ કરવામાં આવી છે.સાથે જ અભ્યાસક્રમ, પુસ્તકો અને શાળામાં આપવામાં આવતી અન્ય શૈક્ષણિક સામગ્રી અંગે પણ શિક્ષણ વિભાગ દ્વારા તપાસ કરવામાં આવે તેવી માંગ ઉઠી છે.હાલ સમગ્ર મામલો શિક્ષણ વિભાગની તપાસ હેઠળ છે અને 12 ઓગસ્ટે શાળા તરફથી આપવામાં આવનારી સ્પષ્ટતા બાદ આગળની સ્થિતિ વધુ સ્પષ્ટ થવાની શક્યતા છે.
આ પણ વાંચો:હાથીજણ-DPS સ્કૂલ વિવાદ મામલામાં મંજૂલા શ્રોફને HCની મોટી રાહત, જામીન કર્યા મંજૂૂર
આ પણ વાંચો:અમદાવાદની સેવન્થ ડે સ્કૂલ ફરી વિવાદમાં, 7.31 કરોડના શંકાસ્પદ ટ્રાન્ઝેક્શન મામલે DEOની કડક નોટિસ
