Ahmedabad News:વડાપ્રધાન નરેન્દ્ર મોદીએ 11 જાન્યુઆરી, 2026ના રોજ અમદાવાદ-ગાંધીનગર મેટ્રોના ફેઝ-2ના અંતિમ સ્ટ્રેચ (સચિવાલયથી મહાત્મા મંદિર સુધી)નું લોકાર્પણ કર્યું છે. આ સાથે અમદાવાદ અને ગાંધીનગર વચ્ચેનું મેટ્રો (Metro) નેટવર્ક સંપૂર્ણપણે ઓપરેશનલ થઈ ગયું છે. આ વિકાસથી બંને શહેરો વચ્ચેની મુસાફરી વધુ સુવિધાયુક્ત, ઝડપી અને આર્થિક બની છે.

પ્રધાનમંત્રીએ મહાત્મા મંદિર મેટ્રો સ્ટેશનથી મેટ્રો (Metro)ટ્રેનને ફ્લેગ ઓફ કરી હતી. આ ઇવેન્ટમાં ગુજરાતના મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવી પણ હાજર રહ્યા હતા. આ અંતિમ 7.8 કિમીના સ્ટ્રેચમાં 7 નવા સ્ટેશનો ઉમેરાયા છે, જેમાં અક્ષરધામ, ઓલ્ડ સેક્રેટરિયેટ, સેક્ટર-16, સેક્ટર-24 અને મહાત્મા મંદિરનો સમાવેશ થાય છે.

દિલ્હી અને અન્ય મોટા મેટ્રો શહેરોની જેમ અમદાવાદ મેટ્રો (Metro)માં પણ રૂટ્સને અલગ-અલગ કલર કોડ અને નામ આપવામાં આવ્યા છે. આથી મુસાફરોને સ્ટેશન અને રૂટની ઓળખ સરળતાથી થઈ શકે છે. હાલમાં નેટવર્ક ચાર મુખ્ય લાઈનમાં વહેંચાયેલું છે.

મેટ્રો (Metro)ના નવા કલર કોડ

આ નવા એક્સ્ટેન્શનથી અમદાવાદ-ગાંધીનગર વચ્ચેની મુસાફરીનો સમય નોંધપાત્ર રીતે ઘટી ગયો છે. મોટેરાથી મહાત્મા મંદિર સુધીનું અંતર લગભગ 20-22 કિમી છે, જે મેટ્રો (Metro)થી 40-50 મિનિટમાં પૂરું થાય છે. માહિતી અનુસાર મોટેરાથી મહાત્મા મંદિર સુધીનું મહત્તમ ભાડું ₹25-₹40ની આસપાસ રહેવાની શક્યતા છે.