AI Job Growth India 2030: આર્ટિફિશિયલ ઇન્ટેલિજન્સ આજે માત્ર ચર્ચાનો વિષય નથી, પરંતુ તે આપણા કામ કરવાની પદ્ધતિને ઝડપથી બદલી રહ્યું છે. નવી દિલ્હીમાં આયોજિત ‘AI Impact Summit’ અને ‘વિશ્વ સામાજિક ન્યાય દિવસ’ (20 ફેબ્રુઆરી) ના સંયોગે ભારત હવે ગ્લોબલ સાઉથમાં AI ક્ષેત્રે નેતૃત્વ કરવા તૈયાર છે. આ સમિટનો મુખ્ય ઉદ્દેશ્ય એવી ટેકનોલોજી વિકસાવવાનો છે જે માનવીના કલ્યાણ અને સામાજિક ન્યાય માટે કામ કરે.
AI for People, Technology for Social Good!
Pleased to write alongside Director-General of @ilo Mr. @GilbertFHoungbo, on harnessing AI as a force for social justice, inclusive growth, and worker empowerment.
Under the leadership of PM Shri @narendramodi ji, India is building… pic.twitter.com/B68KzF7VtY
— Dr Mansukh Mandaviya (@mansukhmandviya) February 19, 2026
મનસુખ માંડવિયાનું ટ્વીટ અને ભારતનું વિઝન
મનસુખ માંડવિયાએ ટ્વીટ કરીને જણાવ્યું કે, વડાપ્રધાન નરેન્દ્ર મોદીના નેતૃત્વમાં ભારત એવા ‘હ્યુમન-સેન્ટ્રિક’ (માનવ-કેન્દ્રીત) AI પર કામ કરી રહ્યું છે જે કોઈને પાછળ છોડશે નહીં. તેમણે સ્પષ્ટ કર્યું કે ટેકનોલોજીનો વિકાસ ત્યારે જ સાર્થક છે જ્યારે તે સમાજના દરેક વર્ગ માટે સમાન તકો ઉભી કરે.
2030 સુધીનો રોડમેપ: AI Jobનું પૂર આવશે
વર્ષ 2030 સુધીમાં AI ટેકનોલોજી ભારતમાં અંદાજે 30 લાખ નવી નોકરીઓનું સર્જન કરશે. આ ટેકનોલોજીના કારણે માત્ર નવી નોકરીઓ જ નહીં, પરંતુ 1 કરોડથી વધુ હાલની નોકરીઓના સ્વરૂપમાં પણ ધરખમ સુધારા આવશે, જેના પરિણામે કામદારોની કાર્યક્ષમતામાં મોટો વધારો જોવા મળશે. ભારત માટે સૌથી ગર્વની વાત એ છે કે તે હાલમાં ChatGPT એપ્લિકેશનના માસિક એક્ટિવ યુઝર્સની સંખ્યામાં સમગ્ર વિશ્વમાં પ્રથમ ક્રમે બિરાજમાન છે, જે ભારતની વધતી જતી વૈશ્વિક લીડર તરીકેની ઓળખ પ્રસ્થાપિત કરે છે.
e-Shram: સામાજિક સુરક્ષામાં AI નો જાદુ
ભારતની e-Shram સિસ્ટમ આજે સામાજિક ન્યાયનું એક ઉત્કૃષ્ટ ઉદાહરણ બની રહી છે. ઇન્ટરનેશનલ લેબર ઓર્ગેનાઈઝેશન (ILO) સાથેના સફળ સહયોગને પરિણામે ભારતનું સામાજિક સુરક્ષા કવરેજ, જે વર્ષ 2015માં માત્ર 19% હતું, તે વર્ષ 2025 સુધીમાં નોંધપાત્ર રીતે વધીને 64.3% સુધી પહોંચી ગયું છે. આ દિશામાં વધુ એક મોટું કદમ ઉઠાવતા, માઈક્રોસોફ્ટના $17.5 બિલિયનના વિશાળ સહયોગથી હવે AI ટેકનોલોજીને e-Shram અને નેશનલ કરિયર સર્વિસ પોર્ટલ સાથે સીધું જોડવામાં આવશે. આ નવીન પહેલને કારણે અસંગઠિત ક્ષેત્રના લાખો કામદારો માટે પણ હાઈ-ટેક નોકરીઓ અને આધુનિક ટ્રેનિંગ મેળવવી ખૂબ જ સરળ બની જશે.
બજેટ 2026-27: શાળા સ્તરે AI શિક્ષણ
ભારત સરકારે ભવિષ્યની તૈયારીઓ માટે યુનિયન બજેટ 2026-27 માં ‘એજ્યુકેશન ટુ એમ્પ્લોયમેન્ટ એન્ડ એન્ટરપ્રાઈઝ’ (EEE) સમિતિની જાહેરાત કરી છે. આ સમિતિ શાળા કક્ષાએથી જ AI ના શિક્ષણને પ્રોત્સાહન આપશે અને AI દ્વારા જ કામદારોને યોગ્ય નોકરી સાથે ‘મેચ’ કરવામાં આવશે.
આ પણ વાંચો: AI Impact Summit 2026માં PM મોદીએ કહ્યું કે, ભારત નવી ટેકનોલોજી બનાવે અને ઝડપથી અપનાવે છે
આ પણ વાંચો: નોકરીનો ડર છોડો, કૌશલ્ય વધારો, AI યુગ માટે PM મોદીની યુવાનોને અપીલ
આ પણ વાંચો: ઈન્ડિયા AI ઈમ્પેક્ટ સમિટમાં યુએન સેક્રેટરી-જનરલ સહિત અનેક વિશ્વ નેતાઓ હાજરી આપશે!
