નવી દિલ્હી: વડાપ્રધાનની આર્થિક સલાહકાર પરિષદ (EAC-PM)ના અધ્યક્ષ બિબેક દેબરોયે શુક્રવારે ટ્વિટર પર ટાટાની માલિકીની એર ઇન્ડિયાની સેવાઓ વિશે ફરિયાદ કરતા કહ્યું કે Air india Service એરલાઇન “ખાનગીકરણ પહેલા વધુ સારી” હતી. ટ્વીટ્સની શ્રેણીમાં, તેણે કહ્યું કે મુંબઈથી દિલ્હીની ફ્લાઈટ AI 687 મોડી થતાં તે એર ઈન્ડિયાથી કંટાળી ગયા હતા. એક ટ્વીટનો જવાબ આપતા એર ઈન્ડિયાએ કહ્યું કે ઓપરેશનલ કારણોસર ફ્લાઈટમાં વિલંબ થઈ રહ્યો છે.
“એર ઈન્ડિયાથી કંટાળી ગયા. દિલ્હી માટે AI 687 પર બુક કરાવ્યું. પ્રસ્થાનનો નિર્ધારિત સમય 16.35. ETD બદલાતો રહે છે. હવે 19.00. અત્યારે પણ કોઈ માહિતી નથી. ખાનગીકરણ પહેલાં તે વધુ સારું હતું…,”એમ તેમણે કહ્યું હતું.
વધુમાં, દેબરોયે કહ્યું કે તે એક સભાન નિર્ણય છે કે પસંદગી આપવામાં આવે તો તે નજીકના ભવિષ્યમાં ક્યારેય એર ઈન્ડિયામાં ઉડાન ભરશે નહીં. “ખાનગીકરણ પહેલાના દિવસો કરતાં આ ઘણું ખરાબ છે. કોઈ જવાબદાર નથી લાગતું. એસટીડી 15 મિનિટમાં બદલાતી રહે છે. કાઉન્ટર પરનો સ્ટાફ સતત નિવેદનો બદલતો રહે છે. @airindiain,” તેમણે કહ્યું.
દેબરોયે એમ પણ કહ્યું હતું કે વધુ વિમાનોનો ઓર્ડર આપવાથી આપમેળે સેવામાં સુધારો થતો નથી.”મુંબઈ-દિલ્હી AI 687 સ્વર્ગ નહીં, નરક છે. ગેટ પર ચાર કલાક, કોઈ ખમીરવંતો જ આ સ્થિતિ ખમી શકે,” એમ તેમણે કહ્યું હતું.
મિસ્ટર દેબરોયને જવાબ આપતા, એર ઈન્ડિયાએ એક ટ્વિટમાં જણાવ્યું હતું કે ફ્લાઇટ ઓપરેશનલ કારણોસર વિલંબિત છે અને તે 2000 કલાકે ઉપડશે. “કૃપા કરીને ખાતરી રાખો, અમારી ટીમ તમામ મુસાફરોને મદદ કરવા માટે શ્રેષ્ઠ પ્રયાસ કરી રહી છે”. જો કે, દેબરોયે જવાબ આપ્યો કે ટીમ કોઈપણ મુસાફરોને મદદ કરી રહી નથી. તેમને ખાનગી ક્ષેત્રની વિમાની સેવામાં આ પ્રકારની સર્વિસથી આશ્ચર્ય થયું હતું.
“શું તમે ઇચ્છો છો કે હું ગુસ્સે થયેલા મુસાફરોનો વીડિયો ટ્વીટ કરું? જો તેઓ મદદ કરવા માંગતા હોય, તો હું ચાર કલાકથી રાહ જોઈ રહેલા મુસાફરોને ચા/કોફીનું સૂચન કરું છું,”એમ તેમણે ટ્વિટ કર્યું. એર ઈન્ડિયા, જે જાન્યુઆરી 2022 માં ટાટા જૂથ દ્વારા હસ્તગત કરવામાં આવી હતી, તેણે આ અઠવાડિયાની શરૂઆતમાં 370 વધુ એરક્રાફ્ટ ખરીદવાના વિકલ્પ સાથે 470 એરક્રાફ્ટનો ઓર્ડર આપ્યો હતો. આ ઓર્ડરને અત્યાર સુધીના સૌથી મોટા ઓર્ડર તરીકે જોવામાં આવે છે.
આ પણ વાંચોઃ
