નવા ટ્રાફિક નિયમ અંગે સમાચાર સામે આવ્યા છે. રોડ ટ્રાન્સપોર્ટ અને હાઈવે મંત્રાલય ટુ વ્હીલર ચાલકો માટે એક નવો નિયમ લઈને આવ્યું છે. જેમાં ચાર વર્ષથી ઓછી ઉંમરના બાળકોને ટુ-વ્હીલર પર લઈ જવા માટે નવા સુરક્ષા નિયમો જાહેર કરવામાં આવ્યા છે. આ નવા નિયમમાં ટુ-વ્હીલર ચાલકોએ બાળકો માટે હેલ્મેટ અને હાર્નેસ બેલ્ટનો ઉપયોગ કરવો ફરજિયાત રહેશે અને વાહનની સ્પીડને માત્ર 40 કિમી પ્રતિ કલાક સુધી મર્યાદિત કરવી પડશે.
ઉલ્લંઘન માટે કેટલો દંડ?
નવા ટ્રાફિક નિયમનું ઉલ્લંઘન કરવા પર 1000 નો દંડ અને ત્રણ મહિના માટે ડ્રાઇવિંગ લાઇસન્સ સસ્પેન્ડ થઈ શકે છે. ટુ વ્હીલર પર પાછળ બેઠેલા બાળકો માટે વધુ સલામતી સુનિશ્ચિત કરવા માટે સેન્ટ્રલ મોટર વ્હીકલ એક્ટમાં નવા નિયમનો સમાવેશ કરવા માટે સુધારો કરવામાં આવ્યો છે. આ નિયમ ચાર વર્ષ સુધીના બાળકોને આવરી લે છે.
આ પણ વાંચો:દિલ્હી પોલીસના 75માં સ્થાપના દિવસ પર અમિત શાહે કહ્યું, જવાનોએ દરેક મુશ્કેલીનો બહાદુરીથી સામનો કર્યો
નવા નિયમો મુજબ, ઉપયોગમાં લેવાતી સલામતી હાર્નેસ હલકો, વોટરપ્રૂફ, ગાદીવાળો અને 30 કિલો વજન વહન કરવાની ક્ષમતા ધરાવતો હોવો જોઈએ. મુસાફરીના સમગ્ર સમયગાળા દરમિયાન બાળકને સુરક્ષિત રાખવા માટે, ડ્રાઇવરે ચાઇલ્ડ સેફ્ટી હાર્નેસ બાંધવી પડશે, જે બે સ્ટ્રેપ સાથે આવે છે.
આ નવા નિયમમાં, મુસાફરી દરમિયાન ક્રેશ હેલ્મેટ અથવા સાયકલ હેલ્મેટ પહેરવું જરૂરી રહેશે. હેલ્મેટ સરકાર દ્વારા નિર્દિષ્ટ ધોરણોનું પાલન કરવું જોઈએ. કેન્દ્રએ બાળકો માટે હેલ્મેટ બનાવવાનું શરૂ કરવા માટે ઉત્પાદકોને પહેલેથી જ સૂચના આપી દીધી છે.
આ પણ વાંચો:મન સ્વસ્થ થાય ત્યારે જ વિકાસની ગંગા, રવિદાસ જયંતિ પર BSP સુપ્રીમો માયાવતી બોલ્યા
આ પણ વાંચો: રશિયન હુમલાનાં ડર વચ્ચે યુક્રેનના રાષ્ટ્રપતિએ પત્ની સાથે આપ્યો પ્રેમ સંદેશ, જુઓ વીડિયો
