Gujarat News: ગુજરાતમાં સ્ટાફ નર્સની ભરતી પ્રક્રિયા ફરી એકવાર ચર્ચાના કેન્દ્રમાં આવી છે. રાજ્યમાં કુલ 1903 સ્ટાફ નર્સની સીધી ભરતી દરમિયાન ગેરરીતિ થયાની શંકા વ્યક્ત કરવામાં આવી રહી છે. આ મુદ્દે સમાજ કાર્યકર યુવરાજસિંહ જાડેજા (yuvrajsinh Jadeja) દ્વારા ગંભીર આક્ષેપો કરવામાં આવ્યા છે, જેના કારણે ભરતી પ્રક્રિયાની પારદર્શિતા પર પ્રશ્નો ઉભા થયા છે.
મળતી માહિતી મુજબ, યુવરાજસિંહ જાડેજા (yuvrajsinh Jadeja)એ દાવો કર્યો છે કે ભરતી પ્રક્રિયામાં કેટલાક એવા ઉમેદવારોને પણ નિમણૂક પત્ર આપવામાં આવ્યા હોઈ શકે છે, જે પરીક્ષામાં સફળ થયા નહોતા અથવા અગાઉ તેમને ડિસ્ક્વોલિફાઈ કરવામાં આવ્યા હતા. જો આ દાવા સાચા સાબિત થાય તો લાયક ઉમેદવારો સાથે અન્યાય થયો હોવાની શક્યતા ઉભી થાય છે.
yuvrajsinh Jadejaનો મોટો ખુલાસો
આ મામલે ખાસ કરીને એક ઉમેદવારને લઈને પણ ચર્ચા થઈ રહી છે. દાવા મુજબ, આ ઉમેદવારને અગાઉ નિયમો મુજબ અયોગ્ય જાહેર કરવામાં આવી હતી, છતાં તેને નિમણૂક આપવામાં આવી હોવાનો આરોપ લગાવવામાં આવ્યો છે. જેના કારણે ભરતી પ્રક્રિયાની વિશ્વસનીયતા અને પરીક્ષા પ્રણાલી અંગે સવાલો ઉઠવા લાગ્યા છે.
યુવરાજસિંહ જાડેજા (yuvrajsinh Jadeja)એ વધુમાં એવી આશંકા પણ વ્યક્ત કરી છે કે કેટલીક જગ્યાઓ માટે ઉમેદવારોને પસંદ કરવા લાખો રૂપિયાની લેવડદેવડ થઈ હોવાની સંભાવના નકારી શકાય નહીં. જોકે આ દાવાઓ અંગે હજી સુધી સત્તાવાર રીતે કોઈ પુષ્ટિ થઈ નથી.
આ પરિસ્થિતિમાં તેમણે સરકાર અને સંબંધિત વિભાગોને પારદર્શક અને નિષ્પક્ષ તપાસ કરવાની માંગ કરી છે. તેમનું કહેવું છે કે જો સમયસર તપાસ ન થાય તો અયોગ્ય અથવા નકલી પ્રમાણપત્ર ધરાવતા લોકો આરોગ્ય વ્યવસ્થામાં પ્રવેશી શકે છે, જે ભવિષ્યમાં દર્દીઓની સુરક્ષા માટે ગંભીર જોખમ બની શકે છે.
આ કારણે સમગ્ર ભરતી પ્રક્રિયાની ઉચ્ચ સ્તરીય તપાસ કરવાની માંગ હવે વધુ ઉગ્ર બની રહી છે. સરકાર અથવા ભરતી પ્રક્રિયા સંભાળતા વિભાગ તરફથી શું પગલાં લેવામાં આવે છે તે હવે સૌની નજરમાં છે.
આ પણ વાંચો:શિક્ષકોની લાંચ અંગેની ફરિયાદઃ યુવરાજસિંહ જાડેજા અને છોટાઉદેપુર નગરપ્રમુખ સામસામે
આ પણ વાંચો:યુવરાજસિંહ જાડેજાનો વધુ એક પેપેર લીકનો આક્ષેપ…, જુઓ Video
આ પણ વાંચો:ગુજરાતમાં વધુ એક ભરતી કૌભાંડ! યુવરાજસિંહ જાડેજાનું વિસ્ફોટક નિવેદન
