શાહરૂખ ખાનની બે બેક ટુ બેક ફિલ્મો ‘પઠાણ’ અને ‘જવાન’નું નિર્દેશન એટલી કુમારે કર્યું છે. આ બંને ફિલ્મોની ધમાકેદાર કમાણી જોઈને એટલી કુમારની ડિમાન્ડ પણ ઘણી વધી ગઈ છે. આ દિવસોમાં દરેક અન્ય અભિનેતા એટલી કુમાર સાથે ફિલ્મમાં કામ કરવા માંગે છે. પરંતુ હવે આ તક સાઉથના હિટ એક્ટર અલ્લુ અર્જુનને મળી છે. જો અહેવાલોનું માનીએ તો બંને વચ્ચે લાંબા સમયથી ચાલી રહેલી વાતચીતને અંતિમ સ્વરૂપ આપવામાં આવ્યું છે. અલ્લુ અર્જુન આ એક્શન ફિલ્મ માટે ભારે ફી વસુલ કરી રહ્યો છે.
એટલીની બોલબાલા
ફિલ્મ ‘જવાન’ 7 સપ્ટેમ્બરે રિલીઝ થઈ હતી. ત્યારથી લઈને અત્યાર સુધી આ ફિલ્મનું બોક્સ ઓફિસ પરફોર્મન્સ જોઈને બધા દંગ છે. સાથે જ શાહરુખ ખાનની આ ધમાકેદાર એક્શન ફિલ્મ જેણે પણ જોઈ છે તે એટલા કુમારના વખાણ કરતા પોતાની જાતને રોકી શક્યા નથી. કરણ જોહરથી લઈને બોલિવૂડના મોટા સ્ટાર્સે ફિલ્મની સ્ટોરી સાથે જબરદસ્ત એક્શન સીન્સ, દિગ્દર્શક એટલીની પ્રશંસા કરી છે.
એટલી કુમાર અને અલ્લુ અર્જુન સાથે કામ કરશે
ફિલ્મ ‘પુષ્પા’માં પોતાના ધમાકેદાર અભિનયથી બોક્સ ઓફિસ પર તોફાન મચાવનાર અભિનેતા અલ્લુ અર્જુન હવે એટલી કુમાર સાથે એક એક્શન ફિલ્મમાં જોવા મળશે. અહેવાલ મુજબ એટલીની નવી ફિલ્મ અલ્લુ અર્જુન સાથે છે. એટલી અને અલ્લુ વચ્ચે છેલ્લા એક વર્ષથી વાતચીત ચાલી રહી હતી. જેને હવે આખરી ઓપ આપવામાં આવ્યો છે. સમાચાર મુજબ અલ્લુ અર્જુનની આ ફિલ્મ જબરદસ્ત એક્શન અને ફાઈટ સીન્સથી ભરપૂર હશે.
મીડિયા રિપોર્ટ્સ અનુસાર, સાઉથ એક્ટર અલ્લુ અર્જુન આ એક્શન ફિલ્મ માટે લગભગ 100 કરોડ રૂપિયા ફી લઈ રહ્યો છે. આ ફિલ્મ તમિલ, તેલુગુ, મલયાલમ, કન્નડ ઉપરાંત હિન્દી ભાષામાં પણ રિલીઝ થશે. એવા પણ સમાચાર છે કે ફિલ્મનું સંગીત ‘જવાન’ના મ્યુઝિક ડાયરેક્ટર અનિરુદ્ધ રવિચંદર આપશે. આ ફિલ્મનું શૂટિંગ ‘પુષ્શા 2’ના શૂટિંગ પછી શરૂ થશે અને ત્યારપછીનું તમામ કામ પૂરું થઈ ગયું છે. ‘પુષ્પા 2’ આવતા વર્ષે 15મી ઓગસ્ટ 2024ના રોજ રિલીઝ થશે.
આ પણ વાંચો:gorgeous girl/ટીવીની સૌથી લોકપ્રિય અભિનેત્રી ધરા ઉર્ફ શાઇની દોશીનો આજે બર્થડે,તેના જીવન સંઘર્ષો પર એક નજર..
આ પણ વાંચો:Parineeti Raghav Wedding/પરિણીતી-રાઘવના લગ્નમાં જલુલ જલુલ થી આવજો, જુઓ લગ્નના કાર્ડની ખાસ તસવીરો
આ પણ વાંચો:Bollywood star/ચેક બાઉન્સ કેસમાં બોલિવૂડની ‘સકીના’ પર કોર્ટમાં સુનાવણી, 2.5 કરોડ પચાવી પાડવાનો આરોપ
