Relationship News : શું તમે ક્યારેય એવું અનુભવ્યું છે કે તમારો પાર્ટનર (Partner) તમારી બાજુમાં જ બેઠો હોય, પણ તમને એવું લાગે કે તેની અને તમારી વચ્ચે જોજનોનું અંતર છે? સંબંધોમાં આ સ્થિતિને મનોવિજ્ઞાનની ભાષામાં ‘ઈમોશનલ ડિસ્ટન્સ’ (Emotional Distance) અથવા તો ‘ઈમોશનલી અનઅવેલેબલ પાર્ટનર’ (Emotionally Unavailable Partner) કહેવાય છે.
આજના ફાસ્ટ યુગમાં ઘણા સંબંધો માત્ર નામ પૂરતા રહી ગયા છે. શારીરિક રીતે વ્યક્તિ હાજર હોય છે, પણ મન અને હૃદયથી તે ગાયબ હોય છે. જ્યારે તમે સામેવાળા સુધી પહોંચવાનો પ્રયત્ન કરો છો, ત્યારે તે એક ‘પથ્થરની દીવાલ’ (Stonewalling) બની જાય છે. જો તમે પણ આવી અસમંજસમાં હોવ, તો આ 5 સંકેતો તમને સાચી દિશા બતાવશે.
માત્ર ‘હવામાન’ ની વાતો, ‘હૃદય’ ની નહીં (Superficial Talks)
સંવાદ એ સંબંધનો શ્વાસ છે. પણ જો તમારો પાર્ટનર (Partner)માત્ર કામ, ક્રિકેટ, રાજકારણ કે ફિલ્મો પૂરતી જ સીમિત વાતો કરે અને જ્યારે તમે સંબંધના ભવિષ્ય કે લાગણીઓની વાત કરો ત્યારે વિષય બદલી નાખે, તો ચેતી જજો.
લક્ષણ: તેઓ ‘ગહન વાતો’ (Deep Conversations) થી ડરે છે. તમે જ્યારે પણ ગંભીર થાઓ, ત્યારે પાર્ટનર (Partner) મજાક કરીને વાત ઉડાવી દે છે અથવા ફોનમાં વ્યસ્ત થઈ જાય છે.
ક્યારેક ધોધમાર પ્રેમ, ક્યારેક રણ જેવું મૌન (Hot & Cold Behavior)
આવા પાર્ટનરનું (Partner) વર્તન તમને હંમેશા કન્ફ્યુઝ (Confused) રાખે છે.
લક્ષણ: કોઈ એક દિવસે તેઓ તમારા પર એટલો પ્રેમ વરસાવશે કે તમને લાગશે કે દુનિયામાં આનાથી શ્રેષ્ઠ કોઈ નથી. અને બીજા જ દિવસે અચાનક તેઓ ‘ગાયબ’ થઈ જશે અથવા તમારા મેસેજનો જવાબ પણ નહીં આપે. આ ‘ગરમ અને ઠંડુ’ વર્તન તમારી માનસિક શાંતિ છીનવી લે છે.
નબળાઈ બતાવવી એટલે હારવું? (Hiding Vulnerability)
સાચા સંબંધમાં બે વ્યક્તિઓ એકબીજાની સામે રડી પણ શકે છે અને પોતાની ભૂલો પણ સ્વીકારી શકે છે.
લક્ષણ: ઈમોશનલી અનઅવેલેબલ વ્યક્તિ હંમેશા ‘મિસ્ટર/મિસ પરફેક્ટ’ હોવાનો માસ્ક પહેરીને ફરે છે. તેઓ ક્યારેય પોતાની ભૂલ સ્વીકારતા નથી કે પોતે દુઃખી છે તેવું પણ કહેતા નથી. તેમને લાગે છે કે લાગણી બતાવવી એ નબળાઈ છે.
તમારી લાગણીઓને ‘નાટક’ ગણવી (Invalidating Emotions)
આ સૌથી મોટો રેડ ફ્લેગ (Red Flag) છે. જ્યારે તમે કહો કે “મને ખરાબ લાગ્યું,” ત્યારે તેઓ તમને સમજવાને બદલે તમારી મજાક ઉડાવે.
લક્ષણ: “તું બહુ ઓવર-રિએક્ટ કરે છે”, “આ તો નાટક છે”, “તું બહુ સેન્સિટિવ છે” – આવા વાક્યો બોલીને તેઓ તમારી લાગણીઓને નકારી કાઢે છે (Gaslighting).
Partner ની મુશ્કેલ સમયમાં ગેરહાજરી
કહેવાય છે કે સાથીની કિંમત મુશ્કેલ સમયમાં થાય છે.
લક્ષણ: જ્યારે તમે બીમાર હોવ અથવા તણાવમાં હોવ, ત્યારે તમને ટેકો આપવાને બદલે તેઓ ચીડિયા થઈ જાય છે અથવા દૂર ભાગે છે. તેઓ બીજાનો ‘ઈમોશનલ બોજ’ ઉપાડવા તૈયાર હોતા નથી.
આવું કેમ થાય છે? (Why it happens?)
મનોવૈજ્ઞાનિકના મતે, આવા લોકો ભૂતકાળના કોઈ આઘાત, બાળપણના ઉછેર અથવા કમિટમેન્ટ ફોબિયા (Commitment Phobia) ને કારણે આવા બની ગયા હોય છે. તેઓ પ્રેમ કરવા માંગે છે, પણ પ્રેમમાં મળતા દર્દથી ડરે છે.
ઉકેલ શું છે? (What to do?)
આવા સંબંધમાં રહીને તમે ધીરે-ધીરે તમારી જાતને ગુમાવી શકો છો.
સ્વીકાર કરો: પહેલા એ સ્વીકારો કે તમે આ સંબંધમાં ખુશ નથી.
સ્પષ્ટ વાત કરો: પાર્ટનરને બેસાડીને તમારી જરૂરિયાતો વિશે સ્પષ્ટ વાત કરો.
સીમાઓ નક્કી કરો (Set Boundaries): જો તે બદલવા તૈયાર ન હોય, તો તમારા આત્મસમ્માન ખાતર સંબંધમાંથી બહાર નીકળવું જ શ્રેષ્ઠ છે.
મદદ લો: જરૂર પડે તો રિલેશનશિપ કાઉન્સેલરની મદદ લો.
નિષ્કર્ષ : એકલતા કરતાં પણ વધારે પીડાદાયક એ છે કે કોઈની સાથે હોવા છતાં એકલા હોવું. chhતમારા સંબંધને સમજો સામે આપો ખુશ રહો . તમારા માનસિક સ્વાસ્થ્યને પ્રાથમિકતા આપો.
આ પણ વાંચો: નવું વર્ષ, નવી યાદો: કપલ્સ માટે રોમેન્ટિક અને મજા ભર્યા પ્લાન્સ
