અનુભવી મેગ લેનિંગની નિવૃત્તિ પછી, એલિસા હીલી ને ઓસ્ટ્રેલિયન મહિલા ક્રિકેટ ટીમના તમામ ફોર્મેટ માટે કેપ્ટન તરીકે નિયુક્ત કરવામાં આવી છે. તે આ મહિને ભારત પ્રવાસથી તેની નવી ભૂમિકાની શરૂઆત કરશે. તમને જણાવી દઈએ કે ઓસ્ટ્રેલિયાની ટીમ 21 ડિસેમ્બરથી મુંબઈમાં એક ટેસ્ટ, ત્રણ વનડે અને ત્રણ ટી-20 મેચની સિરીઝ માટે ભારતના પ્રવાસે આવશે. હીલીએ અગાઉ જૂનથી ઈંગ્લેન્ડ, આયર્લેન્ડ અને વેસ્ટ ઈન્ડિઝ સામેની શ્રેણીમાં ઓસ્ટ્રેલિયાનું નેતૃત્વ કર્યું હતું. તે જ સમયે, મહિલા બિગ બેશ લીગ (WBBL)માં એડિલેડ સ્ટ્રાઈકર્સને સતત બે ટાઇટલ અપાવનાર ઓલરાઉન્ડર તાહલિયા મેકગ્રાને ટીમના વાઇસ-કેપ્ટન તરીકે નિયુક્ત કરવામાં આવ્યા છે.
14 વર્ષથી રમે છે ક્રિકેટ
33 વર્ષની હીલી છેલ્લા કેટલાક સમયથી શાનદાર ફોર્મમાં છે. 14 વર્ષથી ઇન્ટરનેશનલ ક્રિકેટમાં સક્રિય રહેલા હીલી પહેલા ટીમનો વાઇસ કેપ્ટન હતી. નવી ભૂમિકા મળ્યા પછી, હીલીએ કહ્યું કે તે ઓસ્ટ્રેલિયાને ગૌરવ અપાવવા માટે ગમે તે કરશે. ક્રિકેટ ઓસ્ટ્રેલિયા વેબસાઇટ ‘cricket.com.au’ હીલીએ કહ્યું, ‘કેપ્ટનની ભૂમિકા સ્વીકારીને હું સન્માનિત છું. અમારી ટીમનું નેતૃત્વ કરવાની તક માટે હું આભારી છું. છેલ્લા કેટલાક મહિનાઓમાં મને ખેલાડીઓના સમર્થનનો ખરેખર આનંદ છે.’
ટીમનું નેતૃત્વ કરવા માટે આ સારો સમય
હીલીએ તેને ટીમનું નેતૃત્વ કરવાનો સારો સમય ગણાવ્યો હતો. તેને કહ્યું, ‘મારો અભિગમ પહેલા જેવો જ રહેશે, પરંતુ હું આ રોલ પર મારી છાપ છોડવાનો પ્રયાસ કરીશ. હું આ જૂથ માટે મારા શ્રેષ્ઠ પ્રયાસ કરીશ.’ હીલીએ તેને રાષ્ટ્રીય ટીમનું નેતૃત્વ કરવાનો સારો સમય ગણાવ્યો હતો. તેણે કહ્યું, ‘આ ટીમમાં જોડાવા અને આ ભૂમિકા નિભાવવાનો આ રોમાંચક સમય છે. અમે અવિશ્વસનીય યુવા પ્રતિભાને ઉભરતી જોઈ રહ્યા છીએ અને એક જૂથ તરીકે સતત વિકાસ કરવા માટે પોતાને પડકાર આપી રહ્યા છીએ.’
વાઇસ કેપ્ટને ખુશી વ્યક્ત કરી
શુક્રવારે ક્રિકેટ ઓસ્ટ્રેલિયા (CA)ની બેઠકમાં હીલી અને મેકગ્રાની નિમણૂકને મંજૂરી આપવામાં આવી હતી. ઓસ્ટ્રેલિયાના કેપ્ટન તરીકે ભારત પ્રવાસ પછી હીલીનું પહેલું મોટું કામ આગામી વર્ષે બાંગ્લાદેશમાં યોજાનાર ટી20 વર્લ્ડ કપ હશે. મેકગ્રાએ કહ્યું કે વાઈસ-કેપ્ટન તરીકે નિયુક્ત થવું એ એક વિશેષાધિકાર છે અને તે હીલી સાથે કામ કરવા આતુર છે. તેણે કહ્યું, ‘હીલી અને હું લાંબા સમયથી સાથે રમી રહ્યા છીએ. અમે અમારી સંબંધિત નેતૃત્વ શૈલીઓ સારી રીતે જાણીએ છીએ. વ્યસ્ત, પરંતુ રોમાંચક આંતરરાષ્ટ્રીય કાર્યક્રમમાં નેવિગેટ કરતી વખતે હું તેને અમારા જૂથનું નેતૃત્વ કરવામાં મદદ કરવા આતુર છું.’
ભારત પ્રવાસ માટે ઓસ્ટ્રેલિયન ટીમ
ડાર્સી બ્રાઉન, લોરેન ચીટલ (ફક્ત ટેસ્ટ ટીમ), હીથર ગ્રેહામ, એશલે ગાર્ડનર, કિમ ગાર્થ, ગ્રેસ હેરિસ (ફક્ત T20 ટીમ), એલિસા હીલી, જેસ જોનાસન, અલાના કિંગ, ફોબી લિચફિલ્ડ, તાહલિયા મેકગ્રા, બેથ મૂની, એલિસ પેરી, મેગન શુટ, એનાબેલ સધરલેન્ડ, જ્યોર્જિયા વેરહેમ.
આ પણ વાંચો:ICC Ranking/રવિ બિશ્નોઈ બન્યો T20Iમાં નંબર વન બોલર, રાશિદ ખાનને હરાવીને આ હાંસલ કર્યો ખિતાબ
આ પણ વાંચો:India vs Pakistan/અમેરિકામાં યોજાશે ભારત અને પાકિસ્તાનના ખેલાડીઓ વચ્ચેની મેચ , તારીખની જાહેરત
આ પણ વાંચો:IND-W vs ENG-W/ઇંગ્લેન્ડે પહેલી T20 મેચમાં ભારતને 38 રને હરાવ્યું
