ભારતીય લશ્કરે પૂર્વીય લદ્દાખ સેક્ટરમાં કોઈ પણ ચીની આક્રમણને નિષ્ફળ બનાવવા માટે તેની ટી-90 ભીષ્મ અને ટી-72 અજય ટેન્કોને તૈનાત કરી હતી. ભારતીય લશ્કરે પૂર્વી લદ્દાખમાં તેની ટેન્કોની મોટા પાયે જમાવટ શરૂ કર્યાનાં એક વર્ષથી વધુ સમય પછી, આર્મર્ડ રેજિમેન્ટ્સએ હવે તેમના મશીનોનો વધુ અસરકારક રીતે ઉપયોગ કરવાની કવાયત શરૂ કરી દીધી છે.
આ પણ વાંચો – OMG! / ગુજરાતના આ મંદિર જ્યાં પ્રાચીન કાળી માટીના માટલાંમાં 600 વર્ષથી એવુંને એવું ઘી સચવાયેલું છે, દુર્ગંધ કે જીવાત પણ પડતી નથી
આપને જણાવી દઇએ કે, લદ્દાખ આ ટેન્ક 14,000 ફૂટથી 17,000 ફૂટ સુધીનાં મુશ્કેલ વિસ્તારોમાં ઓપરેશન માટે તૈયાર છે. ભારતીય સેનાએ ગયા વર્ષે આ ઉંચાઈવાળા વિસ્તારોમાં T-90 ભીષ્મ અને T-72 અજય ટેન્કની સાથે રણ અને મેદાનોમાં તૈનાત BMP શ્રેણીનાં ઇન્ફ્રેટ્રી કોમ્બેટ વાહનોને સામૂહિક રીતે દાખલ કરવાનું શરૂ કર્યું હતું. ગત ઉનાળામાં પૂર્વી લદ્દાખ માં ચીન અને ભારત વચ્ચે તણાવ ચરમસીમાએ પહોંચ્યો ત્યારે ઓપરેશન સ્નો લેપર્ડથી તેની શરૂઆત થઈ હતી. સેનાનાં એક અધિકારીએ એએનઆઈને જણાવ્યું હતું કે, “અમે પૂર્વી લદ્દાખની આ ઉંચાઈઓ પર -45 ડિગ્રી સુધી તાપમાનનો અનુભવ કરતા પહેલા જ એક વર્ષ પસાર કર્યું છે.
અમે અત્યંતિક પરિસ્થિતિઓ અને મુશ્કેલ વિસ્તારોમાં ટેન્કો ચલાવવા માટે અમારી પોતાની માર્ગદર્શિકા તૈયાર કરી છે. પેંગોંગ તળાવ અને ગોગરા ઉંચાઈ જેવા કેટલાક સ્થળોએ સૈનિકોનાં પરત ફરવા છતાં, બંને પક્ષોએ વાસ્તવિક નિયંત્રણ રેખા પર સૈનિકોની મોટી ટુકડી જાળવી રાખી છે. ભારતીય સેનાએ ઉંચાઈ પર કોઈપણ ખતરા કે પડકારને પહોંચી વળવા માટે ટેન્કો અને આઈસીવીની તૈનાતી સાથે આ વિસ્તારોમાં તેની કામગીરીને મજબૂત કરવાનું ચાલુ રાખ્યું છે.
આ પણ વાંચો – આર્થિક રીતે કંગાળ / પાકિસ્તાન ઇન્ટરનેશનલ એરલાઇન્સ પાસે પાણી પીવડાવવાના પૈસા નથી ? હવે મુસાફરોને મિનરલ પાણીની બોટલ નહીં આપે
ચીનની સરહદથી લગભગ 40 કિલોમીટરનાં અંતરે એક ઉંચાઈવાળા વિસ્તારોમાં ટેન્કોનો યુદ્ધાભ્યાસ હાથ ધરવામાં આવ્યો છે. “એક અધિકારીનાં જણાવ્યા અનુસાર, હવે આ ટેન્કોની જાળવણી પર ભાર મૂકવામાં આવી રહ્યો છે કારણ કે ભારે શિયાળો રબર અને અન્ય ભાગોને અસર કરી શકે છે. જો આપણે આ ટેન્કોને સારી રીતે જાળવી શકીએ, તો અમે અહીં ખૂબ લાંબા સમય સુધી તેનો ઉપયોગ કરી શકીએ છીએ. મે 2020 માં, ભારતીય લશ્કરે પૂર્વી લદ્દાખ નાં ફિંગર પ્રદેશ અને ગલવાન ખીણ જેવા સ્થળોએ ચીની આક્રમણનો જવાબ આપવા માટે મોટી સંખ્યામાં પુરુષો અને મશીનોને સામેલ કરવાનું શરૂ કર્યું. આ સમયગાળા દરમ્યાન આ વિસ્તારોમાં હિંસક અથડામણો પણ થઈ ચુકી છે.