ટીવી અભિનેત્રી અનિતા હસનંદનીએ એક પુત્રને જન્મ આપ્યો છે. મંગળવારે રાત્રે પતિ રોહિત રેડ્ડીએ સોશિયલ મીડિયા પર આ સારા સમાચાર ફેન્સ સાથે શેર કર્યા છે. માતા અને બાળક બંને સ્વસ્થ છે. રોહિત રેડ્ડીએ અનિતા હસનંદની હોસ્પિટલના ઘણા ફોટા પણ શેર કર્યા છે. આ દરમિયાન મિત્રો અને પરિવારના સભ્યો તેની સાથે સપોર્ટ આપવા ઉભા રહ્યા. બેબીની ડિલિવરી દરમિયાન એકતા કપૂર પણ હોસ્પિટલમાં હતી.
View this post on Instagram
ટીવી ઇન્ડસ્ટ્રીની સાથે બોલીવુડ ઇન્ડસ્ટ્રી પણ અનિતાને તેના બાળક માટે અભિનંદન પાઠવી રહી છે. નિયા શર્માથી લઈને કોમેડિયન ભારતી સિંહે અનિતાને તેનો ફોટો શેર કરીને સોશિયલ મીડિયા પર અભિનંદન પાઠવ્યા છે. રોહિત રેડ્ડીએ ફરીથી રિ – શેર કરીને તમામ પોસ્ટ્સનો આભાર માન્યો છે.
View this post on Instagram
‘નાગિન’ ફેમ અભિનેત્રી અનિતા હસનંદનીએ તાજેતરમાં બેબી બોયના નામની વાત કરી હતી. તે કહે છે કે જો પુત્ર આવશે તો તે તેનું નામ રવિ રાખીશ. રોહિત રેડ્ડી પણ આ નામ સાથે સંમત છે.
ઉલ્લેખનીય છે કે, અનિતા હસનંદાની લગ્નના આઠ વર્ષ પછી માતા બની છે. કપલે દીકરો આવ્યાના સમાચાર આપતા જ ટીવી અને બૉલીવુડમાંથી પણ અનેક સેલેબ્ઝે તેમને દીકરાના જન્મની શુભેચ્છાઓ આપવાની શરૂઆત કરી દીધી હતી.
આપને જણાવી દઈએ કે, અનિતા હસનંદાનીએ વર્ષ 2013માં કોર્પોરેટ પ્રોફેશનલ રોહિત રેડ્ડી સાથે ગોવામાં લગ્ન કર્યા હતા. વર્કફ્રન્ટની વાત કરીએ તો, અનિતા ‘નાગિન 4’ માં જોવા મળી હતી. અનિતાએ ઘણી ટીવી સિરિયલોમાં કામ કર્યું છે. ટીવી ક્વીન એકતા કપૂર સાથે તેની ખાસ મિત્રતા છે. તે બાલાજી પ્રોડક્શનના ઘણા ટીવી શોનો ભાગ રહી ચુકી છે.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
