Breaking News: હાલમાં વિમાન દુર્ઘટનાની ઘટના હજુ શાંત થઈ નથી કે અમદાવાદથી લંડન જતી એર ઇન્ડિયાની વધુ એક ફ્લાઇટ ટેકનિકલ ખામીને કારણે રદ કરવી પડી છે. એર ઇન્ડિયાની ફ્લાઇટ નંબર AI 159, જે બોઇંગ 788 હતી અને બપોરે 1:10 વાગ્યે અમદાવાદથી લંડન જતી હતી, તે ટેકનિકલ ખામીને કારણે રદ કરવામાં આવી છે.
પ્રાપ્ત માહિતી અનુસાર, ફ્લાઇટ ઉડાન ભર્યાના થોડા કલાકો પહેલા જ આ તકનીકી ખામી જોવા મળી હતી. સદનસીબે, આ ખામી સમયસર પકડાઈ ગઈ અને એક મોટી દુર્ઘટના ટળી ગઈ અને સેંકડો મુસાફરોનો બચાવ થયો. જોકે, આ ફ્લાઇટ રદ થવાથી મુસાફરોને ઘણી અસુવિધા થઈ છે. લંડન જતા ઘણા મુસાફરો એરપોર્ટ પર ફસાયેલા રહ્યા.
વિમાન દુર્ઘટના પછી અમદાવાદથી લંડન જતી એર ઇન્ડિયાની આ સતત બીજી ફ્લાઇટ રદ કરવામાં આવી છે. અગાઉ પણ ખામીને કારણે ફ્લાઇટ રદ કરવામાં આવી હતી. એર ઇન્ડિયાએ મુસાફરોની સલામતીને પ્રાથમિકતા આપતા ફ્લાઇટ રદ કરવાનો નિર્ણય લીધો છે, પરંતુ વારંવાર બનતી ઘટનાઓને કારણે મુસાફરોમાં ચિંતાનું વાતાવરણ છે. ઇન્ડિયા અને એર ઇન્ડિયા એક્સપ્રેસે નિર્ણય લીધો છે કે તેઓ હવે ફ્લાઇટ નંબર ૧૭૧નો ઉપયોગ નહીં કરે અને હવે ફ્લાઇટ નંબર ૧૫૯ રહેશે. આ નિર્ણય અમદાવાદમાં તાજેતરમાં થયેલા વિમાન દુર્ઘટના બાદ લેવામાં આવ્યો છે, જેમાં ૨૪૧ લોકોએ જીવ ગુમાવ્યા હતા.
આ પણ વાંચો:11Aનું રહસ્ય: થાઈ એરવેઝ અને એર ઈન્ડિયા ફ્લાઈટમાં મુસાફરનો જીવ બચવો એ સંયોગ કે હકીકત?
આ પણ વાંચો:અમદાવાદ પ્લેન ક્રેશ દુર્ઘટના: ઝડપથી મૃતદેહો પરિવારને મળે તેવા પ્રયત્ન ચાલુ: હર્ષ સંઘવી
આ પણ વાંચો:એર ઈન્ડિયા પાસે બોઈંગનાં 26 વિમાન, ભારતમાં બોઈંગ 787-8 ડ્રીમલાઇનરની શું છે સ્થિતિ?
