ભારતીય પુરાતત્વ સર્વેક્ષણ (ASI)ની ટીમે પ્રથમ વખત જ્ઞાનવાપીનો અધિકૃત નકશો બનાવ્યો છે. ASIના જણાવ્યા અનુસાર આ નકશો જેમ્સ પ્રિન્સેપ અને અન્ય લોકોએ બનાવ્યો હતો. જૂનો નકશો કલ્પના અને વાતચીત પર આધારિત હતો, જેને અધિકૃત કહી શકાય નહીં.
આ પ્રથમ વખત છે જ્યારે વૈજ્ઞાનિક પદ્ધતિઓ દ્વારા જ્ઞાનવાપીની લંબાઈ, પહોળાઈ અને બંધારણ માપીને અધિકૃત વિગતો ઉપલબ્ધ કરાવવામાં આવી છે.જ્ઞાનવાપીનો 839 પાનાનો સર્વે રિપોર્ટ જિલ્લા ન્યાયાધીશની કોર્ટમાં રજૂ કરવામાં આવ્યો હતો. પ્લોટ નંબર-9130 પર સ્થિત જ્ઞાનવાપી સંકુલનો નકશો અહેવાલના વોલ્યુમ-4ના પેજ નંબર 207 પર રજૂ કરવામાં આવ્યો છે. જ્ઞાનવાપી સંકુલમાંથી કાટમાળ હટાવ્યા બાદ પ્રથમ વખત આધુનિક સાધનોની મદદથી નકશો બનાવવામાં આવ્યો છે.
ઉલ્લેખનીય છે કે મુસ્લિમ પક્ષે વારાણસી કોર્ટના જ્ઞાનવાપી સંકુલના વ્યાસ ભોંયરામાં પૂજા કરવાની મંજૂરી આપવાના આદેશને પડકારતી અરજી સુપ્રીમ કોર્ટમાં દાખલ કરી હતી. સર્વોચ્ચ અદાલતે પૂજાની પરવાનગી આપવાના આદેશ સામે જ્ઞાનવાપી મસ્જિદ સમિતિની અરજી પર તાત્કાલિક સુનાવણી કરવાનો ઇનકાર કરી દીધો છે. સુપ્રીમ કોર્ટે અરજદારને હાઈકોર્ટમાં જવા કહ્યું હતું.
