રાજસ્થાનના ચુરુથી સાંસદ રાહુલ કાસવાને ભાજપ તરફથી ટિકિટ ન મળવા પર બળવાખોર વલણ દાખવ્યું છે. તેણે પોતાના એક્સ હેન્ડલ પર માહિતી આપી છે કે તેણે ભાજપમાંથી રાજીનામું આપી દીધું છે. આ પછી તરત સમાચાર આવ્યા કે તેઓ કોંગ્રેસમાં જોડાયા તેવી અટકળોએ વેક પકડયો છે. ઉલ્લેખનીય છે કે ભાજપે રાહુલ કાસવાનની ટિકિટ કેન્સલ કરી હતી, જેના પછી રાહુલ નારાજ થયા હતા.
વાસ્તવમાં આજે દિલ્હીમાં કોંગ્રેસની કેન્દ્રીય ચૂંટણી સમિતિની બેઠક મળવાની હતી. આ બેઠકમાં રાહુલ ગાંધી સહિત અનેક વરિષ્ઠ નેતાઓ હાજરી આપવાના છે. આ દરમિયાન રાહુલ કાસવાનને કોંગ્રેસમાં સામેલ કરવાની તૈયારીઓ ચાલી રહી હતી.
સાસંદે કર્યું ટ્વીટ
રાહુલે પોતાના એક્સ હેન્ડલ પર કહ્યું, ‘રામ-રામ ચુરુ લોકસભા પરિવાર. મારા પરિવારના સભ્યો! આપ સૌની ભાવનાઓ અનુસાર હું જાહેર જીવનમાં એક મોટો નિર્ણય લેવાનો છું. રાજકીય કારણોસર, આજે આ જ ક્ષણે, હું ભારતીય જનતા પાર્ટીના પ્રાથમિક સભ્યપદ અને સંસદ સભ્ય પદેથી રાજીનામું આપી રહ્યો છું. મને 10 વર્ષ સુધી ચુરુ લોકસભા પરિવારની સેવા કરવાની તક આપવા બદલ હું સમગ્ર ભારતીય જનતા પાર્ટી, રાષ્ટ્રીય અધ્યક્ષ જેપી નડ્ડા, પીએમ નરેન્દ્ર મોદી અને અમિત શાહનો આભાર વ્યક્ત કરું છું. મારા ચુરુ લોકસભા પરિવારનો ખાસ આભાર, જેમણે હંમેશા મને મૂલ્યવાન ટેકો, સહકાર અને આશીર્વાદ આપ્યા.
રાહુલ કાસવાન
વાસ્તવમાં, રાહુલ કાસવાન ચુરુથી લોકસભા સાંસદ રહી ચુક્યા છે અને 2014 અને 2019ની લોકસભા ચૂંટણીમાં ભાજપ તરફથી જીત મેળવી છે. પરંતુ આ વખતે ભાજપે રાહુલ કાસવાનની ટિકિટ રદ કરીને ચુરુથી પેરા ઓલિમ્પિયન દેવેન્દ્ર ઝાઝરિયાને ટિકિટ આપી છે. ત્યારથી રાહુલ કાસવાન ભાજપથી નારાજ હતા. હાલમાં જ રાહુલ કાસવાને ચુરુના સાદુલપુરમાં પણ શક્તિ પ્રદર્શન કર્યું હતું. આ દરમિયાન તેમના સમર્થનમાં મોટી સંખ્યામાં લોકો એકઠા થયા હતા. આ દરમિયાન રાહુલે કહ્યું હતું કે ચુરુ લોકસભાનું ભવિષ્ય કોઈ એક વ્યક્તિ નક્કી નહીં કરે.
ભાજપ પર પ્રહાર
રાજીનામું આપ્યા બાદ રાહુલે ભાજપ પર નિશાન સાધ્યું હતું. તેમણે કહ્યું કે ભાજપ સામંતવાદી વિચારસરણીનો શિકાર બની છે. કોઈ સાંભળવા તૈયાર નથી. કોંગ્રેસે નક્કી કરવાનું છે કે મને ચુરુથી ટિકિટ આપવી કે નહીં.
આ પણ વાંચો: Guj-Board Exam/આજથી ગુજરાત બોર્ડની પરીક્ષા, મુખ્યમંત્રીએ વિદ્યાર્થીઓને સફળતા માટે પાઠવી શુભેચ્છા, પોલીસ આપશે વિદ્યાર્થીઓને સુવિધા
આ પણ વાંચો:NDA માં ચંદ્રબાબુ નાયડુની ફરીથી એન્ટ્રી, આંધ્રપ્રદેશમાં ડીલ થઈ ફાઇનલ, જાણો શું છે ફોર્મુલા?
આ પણ વાંચો: Junagadh/જૂનાગઢમાં ગોડાઉન પર દરોડો, દારૂ સાથે રૂ. 10 લાખથી વધુનો મુદ્દામાલ કબજે