જોવા ન મળ્યું પરંતુ તેનું સુતક મનાવાય છે
અમદાવાદ: નવા વર્ષનું પ્રથમ સૂર્યગ્રહણ આજે રવિવારે ભારતીય સમય અનુસાર વહેલી સવારે 5 વાગ્યાથી લાગ્યુ હતુ. પરંતુ આ સૂર્યગ્રહણ ભારતમાં જોવા મળ્યુ ન હતુ.
નવા વર્ષનું આ પ્રથમ સૂર્યગ્રહણ લગભગ 3 કલાક અને 18 મિનિટ સુધી ચાલ્યું હતું. આ આંશિક સૂર્યગ્રહણ સવારે 9 વાગ્યાને 18 મિનિટ સુધી ચાલુ રહ્યું હતું.
આ સૂર્યગ્રહણ એશિયાના ચીન, મંગોલિયા, જાપાન ઉપરાંત રુસ અને અલાસ્કામાં પણ જોવા મળ્યું હતુ. જો કે સૌથી અગત્યની બાબત એ હતી કે, આ સૂર્યગ્રહણ ભારતમાં જોવા મળ્યું ન હતુ. પરંતુ જ્યોતિષ શાસ્ત્રના જાણકારો મુજબ આ સૂર્યગ્રહણનું ભારતમાં સુતક મનાવવામાં આવે છે.
જ્યોતિષ જાણકારોના માનવા પ્રમાણે આ પહેલું એવું સૂર્ય ગ્રહણ છે કે, જે ભારતમાં દેખાયું નથી. તેથી તેની કોઈ અસર રાશિ પર પડશે નહિ. આ વર્ષ દરમિયાનમાં કુલ ત્રણ સૂર્યગ્રહણ લાગશે. જેમાં પહેલું તા. 6 જાન્યુઆરીએ, ત્યારબાદ બીજું સૂર્યગ્રહણ આગામી તા. 3 જુલાઈના રોજ અને ત્રીજું સૂર્યગ્રહણ આ વર્ષના છેલ્લા અઠવાડિયામાં એટલે કે. તા. 26 ડિસેમ્બરના રોજ લાગશે.
