ગુજરાતની આતંકવાદ વિરોધી ટુકડીએ ગેરકાયદેસર હથિયારોના રેકેટનો પર્દાફાશ કર્યો છે, રાજ્યના અલગ-અલગ ભાગોમાંથી 24 લોકોની ધરપકડ કરી અને 54 દેશી બનાવટની પિસ્તોલ જપ્ત કરી. એક વરિષ્ઠ અધિકારીએ ગુરુવારે આ માહિતી આપી હતી.
એટીએસના ડેપ્યુટી સુપરિન્ટેન્ડેન્ટ હર્ષ ઉપાધ્યાયે જણાવ્યું કે છેલ્લા બે દિવસમાં આ ધરપકડો કરવામાં આવી છે. પ્રાથમિક તપાસમાં બહાર આવ્યું છે કે બે મુખ્ય આરોપી દેવેન્દ્ર બોરિયા અને ચાંપરાજ ખાચરે છેલ્લા બે વર્ષમાં સુરેન્દ્રનગર અને રાજકોટ સહિત સૌરાષ્ટ્રના જુદા જુદા વિસ્તારોમાં 100 જેટલી દેશી બનાવટની પિસ્તોલનું વેચાણ કર્યું હતું.
“અમે તેમના કબજામાંથી ચાર દેશી બનાવટની પિસ્તોલ કબજે કરી છે. બંનેએ કબૂલ્યું હતું કે તેઓએ મધ્યપ્રદેશમાંથી હથિયારો ખરીદ્યા હતા અને તે વડોદરાના વ્યક્તિને આપવાના હતા.
તેમણે છેલ્લા બે વર્ષમાં સૌરાષ્ટ્રમાં આવી 100 જેટલી પિસ્તોલ વેચી હોવાનું પણ કબૂલ્યું હતું. ઉપાધ્યાયે જણાવ્યું હતું કે, તેઓ દરેક પિસ્તોલ માટે લગભગ રૂ. 15,000 થી રૂ. 25,000 ચૂકવતા હતા, તેમ છતાં તેઓ તેમના ગ્રાહકો પાસેથી રૂ. 40,000 થી રૂ. 1 લાખ વસૂલતા હતા. અધિકારીએ કહ્યું કે આ ગેરકાયદે હથિયારોના નેટવર્કની વધુ તપાસ ચાલુ છે.
આ પણ વાંચો:વરરાજાને લગ્નના હરખમાંને હરખમાં ડાન્સ કરતાં મળ્યું મોત, ઘોડે સવાર થવાને બદલે થયો અર્થીમાં સવાર
આ પણ વાંચો:સોમનાથ મંદિરમાં સંસ્કૃત ભાષાનો વ્યવહારિક ભાષા તરીકે ઉપયોગ થશે : સંસ્કૃત સંભાષણ વર્ગ શરૂ
આ પણ વાંચો:જામનગરમાં ચાલતી ભાગવત કથામાં રાજ નેતાઓની એન્ટ્રીથી રાજકીય ગરમાવો
આ પણ વાંચો:ડાર્ક ફિલ્મ સાથે વાહન ચાવનારા સાવધાન, પોલીસ કરશે કડક કાર્યવાહી
