તમિલનાડુ સરકારમાં મંત્રી અને મુખ્યમંત્રી એમકે સ્ટાલિનના પુત્ર ઉધયનિધિ સ્ટાલિનના સનાતન ધર્મ વાળા નિવેદન પર
વિવાદ થમવાનું નામ નથી લેતો. ઉધયનિધિ સ્ટાલિનના નિવેદન બાદ રાજનેતાઓ અને હિન્દુ સંતો બંને તેમના પર જોરદાર પ્રહારો કરી રહ્યા છે. દરમિયાન બાગેશ્વર ધામના વડા પંડિત ધીરેન્દ્ર કૃષ્ણ શાસ્ત્રીએ ઉધયનિધિના નિવદનની આકરી ટીકા કરી છે. તેમણે કહ્યું કે તેમના નિવેદનથી ભારતના સનાતનીઓના હૃદયને ઠેસ પહોંચી છે.
ભારત સનાતનીઓની ભૂમિ છે
બાગેશ્વર બાબાએ કહ્યું કે ભારત સનાતનીઓની ભૂમિ છે. સનાતન ધર્મ આ સંસારના આરંભથી છે. વિશ્વના અન્ય તમામ ધર્મો સનાતનમાંથી જ ઉત્પન્ન થયા છે. જ્યાં સુધી આ પૃથ્વી પર પાણી અને સૂર્ય છે ત્યાં સુધી કોઈ સનાતનનો એક વાળ પણ વાંકો કરી શકશે નહીં. તેમણે કહ્યું કે ઉધયનિધિ સ્ટાલિન રાવણના ખાનદાનનો છે.
બાબા બાગેશ્વરે વધુમાં કહ્યું હતું કે, ઉધયનિધિ સ્ટાલિનની બુદ્ધિ ભ્રષ્ટ થઈ ગઈ છે. મને એવું લાગે છે કે તેનું દિમાગ ખરાબ છે અને હવે તેને પાગલખાનાની જરૂર છે. તેમણે વધુમાં કહ્યું કે, જે લોકો સનાતનને ખતમ કરવાનું સ્વપ્ન જુએ છે, તેઓ કાન ખોલીને સાંભળી લે સનાતન તેનો વારસો નથી, જે તેને ખતમ કરી શકે.
‘જો કોઈ ભગવાન પર શંકા કરે છે, તો તે મેદાનમાં આવી જાય’
આ પહેલા રવિવારે પણ બાગેશ્વર બાબાએ ઉધયનિધિ સ્ટાલિન પર પ્રહારો કર્યા હતા. તેમણે કહ્યું કે, જેઓ કહી રહ્યા છે કે સનાતન ધર્મને ખતમ કરી દેવો જોઈએ. આવું વિચારનારાઓને હું કહું છું કે ભારતમાં રહેવું હોય તો રામનું નામ લેવું પડશે. બાગેશ્વર બાબાએ કહ્યું કે હું કોઈને ધમકી નથી આપી રહ્યો, પરંતુ ડિસ્ક્લેમર આપી રહ્યો છું. તેણે કહ્યું કે જો કોઈ ભગવાન પર શંકા કરે તો તેણે મેદાનમાં આવવું જોઈએ. હું તેની બધી શંકા દૂર કરીશ.
આ પણ વાંચો: Priyank Kharge/ આગમાં ઘી હોમાયું…! હવે કોંગ્રેસ અધ્યક્ષના પુત્ર પ્રિયંક ખડગેએ “સનાતન ધર્મ” પર વિવાદાસ્પદ નિવેદન આપ્યું
આ પણ વાંચો: ઉત્તર પ્રદેશ/ અયોધ્યામાં રામ મંદિરના ઉદ્ઘાટનને લઈને હલનચલન, CM યોગી આવતીકાલે PM મોદીને આમંત્રણ આપવા જશે દિલ્હી
આ પણ વાંચો: Uttar Pradesh/ નફરત ફેલાવવાનું કારસ્તાન…! મુસ્લિમ યુવકના કપાળ પર છરી વડે ‘જય ભોલેનાથ’ લખી નાખ્યું
