ભારત બાયોટેકે કોવાક્સિન ડોઝની કિંમતોની જાહેરાત કરી છે. કંપનીએ જણાવ્યું હતું કે રાજ્ય સરકાર માટે ડોઝ દીઠ 600 રૂપિયા અને ખાનગી હોસ્પિટલો માટે ડોઝ દીઠ 1,200 નક્કી કરવામાં આવ્યા છે. ભારત બાયોટેકે જણાવ્યું હતું કે કેન્દ્ર સરકારની સૂચના મુજબ અમે કોવાક્સિન ડોઝની કિંમતોની જાહેરાત કરી છે.
બુધવારે સિરમ ઇન્સ્ટિટ્યૂટ ઓફ ઈન્ડિયા (એસઆઈઆઈ) એ કહ્યું હતું કે કોવિડ -19 રસી ‘કોવિશિલ્ડ’ ની કિંમત રાજ્ય સરકારો માટે ડોઝ રૂ. 400 અને ખાનગી હોસ્પિટલો માટે ડોઝ દીઠ 600 રૂપિયા હશે.
કંપનીના ચીફ એક્ઝિક્યુટિવ ઓફિસરએ એમ પણ કહ્યું હતું કે વર્તમાન ડોઝ દીઠ રૂ .150 નો કરાર પૂરો થયા પછી, કેન્દ્ર સરકાર માટે પણ ડોઝ દીઠ દર 400 રૂપિયા રહેશે. સીરમ ઇન્સ્ટિટ્યૂટ ઓફ ઈન્ડિયાએ એક નિવેદનમાં જણાવ્યું છે કે, “અમારી ક્ષમતાનો 5૦ ટકા હિસ્સો ભારત સરકારના રસીકરણ કાર્યક્રમ માટે અને બાકીનો 50 ટકા રાજ્ય સરકારો અને ખાનગી હોસ્પિટલો માટે હશે.”
કંપનીએ કહ્યું કે સરકારની સૂચનાઓને ધ્યાનમાં રાખીને ‘કોવિશિલ્ડ’ ની કિંમત રાજ્ય સરકારો માટે ડોઝ દીઠ રૂ. 400 અને ખાનગી હોસ્પિટલો માટે ડોઝ દીઠ 600 રૂપિયા હશે. જો કે, વિપક્ષી પાર્ટીઓએ આ ભાવની આકરી ટીકા કરી છે. તેમનું કહેવું છે કે જ્યારે રસી કેન્દ્રને ડોઝ દીઠ 150 રૂપિયા પર ઉપલબ્ધ કરવામાં આવી રહી છે, ત્યારે રાજ્યો પાસેથી વધુ પૈસા કેમ લેવાઈ રહ્યા છે. ?
