ભાવનગરના 26 વર્ષીય યુવાને ચંદ્ર પર લીધી એક એકર જમીન. મરીન એન્જીનીયર યુવાને અમેરિકન કંપની લુનાર પાસેથી એક એકર જમીન ચંદ્ર પર ખરીદી હોવાનો દાવો દસ્તાવેજો સાથે કર્યો છે
અવકાશી અને સમુદ્ર સાથે લગાવ રાખનારો આ યુવાન ભાવનગર જિલ્લાના તળાજા ગામનો રહેવાસી છે. ચંદ્ર પર જવાનું સ્વપ્ન હંમેશા આપણે વાર્તાઓમાં સાંભળતા હોઈએ છીએ, ત્યારે આવા સ્વપ્ન હકીકત પણ બનતા હોય છે. તેનું ઉદાહરણ ભાવનગર જિલ્લાના યુવાને સાકાર કર્યું છે. 26 વર્ષીય જાવેદ ગીગાનીએ અમેરિકન કંપની પાસેથી ચંદ્ર પર જમીન ખરીદી હોવાનો દાવો દસ્તાવેજ સાથે કર્યો છે, જો તેવું શક્ય હોય તો કદાચ ગુજરાત અથવા ભારતનો આ ત્રીજો યુવાન હશે.
ચંદ્ર પર ક્યાં જમીન અને તેની શું અપેક્ષા?ત્રણ-ચાર માસથી પ્રયાસ કરી રહેલા જાવેદને 12 માર્ચના રોજ સર્ટિફિકેટ લુનર કંપની દ્વારા આપવામાં આવ્યું હતું. ચંદ્ર પર કંપની દ્વારા સી ઓફ મસ્કરી વિસ્તારમાં એક એકર જમીન આપી છે. હાલમાં એક દિવસ પહેલા તેને સર્ટિફિકેટ કંપની દ્વારા દસ્તાવેજો આપવામાં આવ્યા છે. જાવેદ આમ તો અલંગમાં ફેરનેશ અને ઓઈલનું કામ કરી રહ્યો છે અને તેને આશા છે કે, તેની જિંદગીના સમયમાં ચંદ્ર પર જવાનું શકય હશે તો તે જશે, પણ હાલમાં ચંદ્ર પર જમીન ખરીદીને તેને ખૂબ જ ખુશી થઈ રહી છે.
