રશિયન દળોએ સોમવારે યુક્રેનના બીજા સૌથી મોટા શહેર ખાર્કિવ પર ભારે બોમ્બમારો કર્યો હતો. આ સાથે, રશિયન સેના યુક્રેનની રાજધાની કિવની નજીક પહોંચી ગઈ છે અને રશિયન ટેન્ક અને અન્ય લશ્કરી વાહનો લગભગ 40 માઈલના કાફલામાં મુસાફરી કરી રહ્યા છે. ખાર્કિવમાં થયેલા હુમલામાં એક ભારતીયે પણ જીવ ગુમાવ્યો હતો.
આ પણ વાંચો: યુક્રેનનાં ખાર્કિવમાં એક ભારતીય વિદ્યાર્થીનું મોત, વિદેશ મંત્રાલયે જાણકારી આપી
યુક્રેનના રાષ્ટ્રપતિ વોલોદિમિર ઝેલેન્સકીએ રશિયન હુમલાને યુદ્ધ અપરાધ ગણાવ્યો છે. એટલું જ નહીં, તેમણે કહ્યું કે, ખાર્કિવ પરનો હુમલો આતંકવાદી હુમલો છે અને રશિયા આતંકવાદી દેશ છે. યુરોપિયન યુનિયન (EU)ને સંબોધતા તેમણે કહ્યું કે અમને કોઈ તોડી શકે નહીં. અમે અમારી જમીન માટે લડતા રહીશું.
વોલોડીમિર ઝેલેન્સકીએ કહ્યું કે રશિયાએ નાગરિકો પર મિસાઇલો છોડવી. ક્રુઝ મિસાઈલ હુમલો. સોમવારે રશિયાએ 16 બાળકોની હત્યા કરી હતી.
ખાર્કિવ પ્રાદેશિક વહીવટના વડા, ઓલેહ સિનેહુબોવે જણાવ્યું હતું કે, રશિયાએ મંગળવારે ખાર્કિવના મધ્યમાં રહેણાંક ઇમારતો સાથેની વહીવટી ઇમારત પર ગોળીબાર કર્યો હતો. તેમણે કહ્યું કે યુક્રેનિયન સૈન્ય રશિયાને શહેરમાં આગળ વધવાના પ્રયાસોને અવરોધવાનો પ્રયાસ કરી રહી છે.
યુક્રેનના વિદેશ મંત્રાલય દ્વારા સોશિયલ નેટવર્ક પર પોસ્ટ કરાયેલા વિડિયોઝમાં ખાર્કિવમાં એક બહુમાળી વહીવટી ઈમારતમાં જોરદાર વિસ્ફોટ થયો હતો, જેમાં તેની નજીક પાર્ક કરેલી અનેક કારને નુકસાન થયું હતું. આ વિસ્ફોટથી બિલ્ડિંગની બારીઓના કાચ તૂટી ગયા હતા.
આ પણ વાંચો:PM મોદીએ કોંગ્રેસ પર નિશાન સાધ્યું, કહ્યું, તેમનું સંપૂર્ણ ધ્યાન રાજ્યને લૂંટવા પર હતું
આ પણ વાંચો:યુક્રેનમાં ભારતીય વિદ્યાર્થીના મોતને લઈને સમગ્ર દેશમાં શોકની લહેર, વિપક્ષે કેન્દ્ર પર નિશાન સાધ્યું