પોલીસે અમાગઢ ટેકરી પર ધ્વજ ફરકાવવા બદલ સાંસદ કિરોડી લાલ મીણાની ધરપકડ કરી છે. અધિક પોલીસ કમિશનર રાહુલ પ્રકાશે જણાવ્યું હતું કે, અમાગઢ ટેકરી પર એક વિશાળ પોલીસ દળ હાજર હતો. આવી સ્થિતિમાં, કિરોડી લાલ મીણાને પહેલાથી જ રોકવામાં આવ્યા હતા.
આ પણ વાંચો – Tokyo Olympic 2021 / ભારતીય હોકી ટીમ ઈતિહાસ રચવા તરફ અગ્રેસર, પુરુષ-મહિલા બન્ને ટીમો મેડલની રેસમાં
કિરોડી લાલ મીણા 7 લોકો સાથે ટેકરી પર પહોંચ્યા હતા. પોલીસે તમામ 7 લોકોને નીચે ઉતાર્યા હતા. ટેકરીની નીચે દિવાલ પર ધ્વજ ફરકાવવામાં આવ્યો હતો. તેમણે કહ્યું કે અમાગઢ મંદિર નજીક કોઈ પણ વ્યક્તિને આવવાની મંજૂરી નથી. જણાવી દઈએ કે, સાંસદ કિરોડી લાલ મીણાએ અમાગઢ ખાતે મીણા સમાજનો ધ્વજ ફરકાવ્યો હતો. ત્યારબાદ ધારાસભ્ય રામકેશ મીણાનું વલણ ઠંડુ પડી ગયું હતુ. રામકેશે કહ્યું – મને કિરોડીનો ધ્વજ ફરકાવવામાં કોઈ વાંધો નથી. રામકેશ મીણાએ કિરોડી લાલ મીણાની મુક્તિની માંગ કરી હતી. તેમણે કહ્યું – મીણા સમાજ દ્વારા સ્થળ અને ધ્વજ પણ મીણા સમાજનો ફરકાવવામાં આવ્યો હતો. આ કેસમાં કિરોડી લાલ મીણાની ધરપકડ કરવામાં આવી ન થઇ શકે.
આ પણ વાંચો – બ્રેકિંગ ન્યુઝ / વેપારીઓ-સંસ્થાઓના કર્મચારીઓ માટે ફરજિયાત વેકસીનેશનની મર્યાદા ૧પમી ઓગસ્ટ સુધી લંબાવાઈ
આપને જણાવી દઈએ કે, એક સપ્તાહ પહેલા કોંગ્રેસ સમર્થિત અપક્ષ ધારાસભ્ય રામકેશ મીણાએ અમાગઢ કિલ્લા પરથી ભગવો ધ્વજ હટાવી દીધો હતો. આ દરમ્યાન ભગવો ધ્વજ ફાડી નાખવામાં આવ્યો હતો. રામકેશ મીણા પર ધ્વજ ફાડવાનો આરોપ હતો. તેની સામે કિરોડી લાલ મીણાની આગેવાનીમાં હિન્દુવાદી સંગઠનો છેલ્લા ઘણા દિવસોથી પ્રદર્શન કરી રહ્યા હતા. સાથે જ તેઓ ફરીથી ભગવો ધ્વજ ફરકાવવાની માંગ કરી રહ્યા હતા. કિરોડી લાલ મીણાએ આજે કિલ્લા પર ધ્વજ ફરકાવવાની ચેતવણી આપી હતી. બીજી બાજુ, રામકેશ મીણા અને તેમના સમર્થકોએ ધ્વજ ઉંચો ન થવા દેવાની ચેતવણી આપી હતી. તણાવને જોતા કિલ્લા પર પોલીસ ફોર્સ તૈનાત કરવામાં આવી હતી. પરંતુ કિરોડી લાલ મીણાએ તેમના સમર્થકો સાથે ટેકરી પર છાપામારી રીતે પહોંચ્યા અને મીન ભગવાનનો ધ્વજ ફરકાવ્યો. વળી, પોલીસે મીણા સહિત સાત લોકોને કસ્ટડીમાં લીધા છે અને તેમને કિલ્લા પરથી નીચે લાવવામાં આવ્યા છે. હવે અમાગઢ ટેકરી પર સ્થિત કિલ્લાની સુરક્ષા પોલીસ દ્વારા કરવામાં આવે છે.
