ગાંધીનગર,
ગાંધીનગરમાં લોકસભા ચુંટણીની કવાયત તેજ થઇ ગઇ છે..ભાજપ કાર્યાલય કમલમમાં બેઠકોનો દૌર શરૂ થઇ ગયો છે. CM અને Dy.CMની અધ્યક્ષતામાં બેઠક યોજાશે.
સૌરાષ્ટ્રની 4 લોકસભા બેઠકની સમીક્ષા હાથ ધરાશે. પ્રદેશ પ્રમુખની જીતુ વાઘાણીની અધ્યક્ષતામાં સમીક્ષા થશે. લોકસભા બેઠકના પ્રભારી સહિત હોદ્દેદારો ઉપસ્થિત રહેશે.
ગાંધીનગર ખાતે સાંજે યોજાનારી આ બેઠકમાં સૌરાષ્ટ્રની ૪ લોકસભા બેઠકો જામનગર, અમરેલી, ભાવનગર અને સુરેન્દ્રનગરનો સમાવેશ થાય છે. આ બેઠકમાં પ્રદેશ અગ્રણીઓ ઉપરાંત જે તે લોકસભા બેઠકના પ્રભારી, લોકસભા બેઠકના ઇન્ચાર્જ – સહઇન્ચાર્જ, જિલ્લા પ્રભારી મંત્રીશ્રી, જિલ્લા સંગઠન પ્રભારી, જિલ્લા પ્રમુખ મહામંત્રી ઉપસ્થિત રહશે .
અત્રે ઉલ્લેખનીય છે કે, ભાજપે ગઈકાલે લોકસભા બેઠકના પ્રભારી, ઇન્ચાર્જ – સહ ઇન્ચાર્જની નિયુક્તિ બાદ ઉત્તરઝોનની લોકસભા બેઠકોની સમીક્ષા હાથ ધરી હતી.
આજે ભાજપ સૌરાષ્ટ્રની ૪ લોકસભા બેઠકની સમીક્ષા કરશે, પ્રદેશ અધ્યક્ષ જીતુભાઇ વાઘાણીની અધ્યક્ષતામાં અને મુખ્યમંત્રી વિજયભાઈ રૂપાણી, નાયબ મુખ્યમંત્રી નીતિનભાઈ પટેલની ઉપસ્થિતિમાં સૌરાષ્ટ્રની ૪ લોકસભા બેઠકની સમીક્ષા હાથ ધરાશે. આ ઉપરાંત આજે બપોરે ૩ કલાકે પ્રદેશ કાર્યાલય શ્રી કમલમ ખાતે વિસ્તારકોની બેઠક યોજાશે .