ફ્લોરિડા,
અમેરિકામાં અવારનવાર સામે આવી રહેલી ફાયરિંગની ઘટનાઓ વચ્ચે વધુ એક અંધાધૂંધ ગોળીબાર થયો હોવાની ઘટના સામે આવી છે.
ફ્લોરિડામાં યોગ સ્ટુડિયોમાં એક અજાણ્યા બંદૂકધારી વ્યક્તિ દ્વારા કરાયેલા અંધાધૂંધ ફાયરિંગમાં અત્યારસુધીમાં ૩ લોકોના મોત થયા છે, જયારે અન્ય પાંચ ઘાયલ થયા છે. જો કે આ હુમલા બાદ બંદૂકધારી હુમલાવરે પણ ગોળી મારી આત્મહત્યા કરી લીધી હતી.
તાલાહાસી પોલીસના પ્રમુખ માઈકલ ડેલિયોએ શુક્રવાર રાત્રે બતાવ્યું હતું કે, યોગ સ્ટુડિયોમાં ગયા બાદ બંદૂકધારી હુમલાવરે ૬ લોકોને ગોળી મારી હતી અને ત્યારબાદ આ શંકાસ્પદ વ્યક્તિએ પોતાને પણ ગોળી મારી લીધી હતી”.
તેઓએ વધુમાં જણાવ્યું, “આ હુમલાવરે એકલા જ આ ઘટનાને અંજામ આપ્યો છે અને અધિકારીઓ દ્વારા હુમલાના સંભવિત કારણોની તપાસ કરાઈ રહી છે.
બીજી બાજુ આ શહેરના કમિશ્નર સ્કોટ મેડોકસે કહ્યું, “મારા પબ્લિક સર્વિસ કેરિયરમાં હું એ ઘણા દ્રશ્યો જોયા છે, પરંતુ આ સૌથી દર્દનાક છે, “કૃપા કરીને પ્રાર્થના કરો”.
